अब दिउँसो र बिहान पनि मापसे चेकिङ

काठमाडौ । महानगरीय प्रहरी ट्राफिक महाशाखाले शनिबारको घटनापछि बिहान र दिउँसो पनि मापसे चेकिङ सुरु गर्ने तयारी गरेको छ । शनिबार रातभर मदिरा पिएका चालक निमा शेर्पाले आफ्नो गाडीमा २० फिट लामो डन्डी छिर्दा पनि पत्तो पाएका थिएनन् । महाशाखाका प्रमुख डिआइजी जयबहादुर चन्दले भने–‘हामी दिउँसो पनि सरप्राइज चेकिङ सुरु गछौं ।’ बेलुका ढिला र बिहान ट्राफिक चेकिङ कम भएपछि मापसे गरेर सवराी चलाउने प्रवृत्ति दिएकाले निरुत्साहित गर्न साँझदेखि बिहानैसम्म मापसे चेकिङ गर्न लागिएको चन्दको भनाइ छ । ट्राफिक प्रहरीले सामान्यतया बेलुका सात बजेदेखि ११ बजेसम्म मापसे चेकिङ गर्ने गर्छ । यसबाहेकको समयमा कहिलेकाहीं कुनै(कुनै ठाउँमा मात्र चेकिङ हुने गरेको नयाँ पत्रिकामा खबर छ । मादक पदार्थ सेवन गर्नेहरुले बेलुका ११ बजेपछि सवारी चलाउने प्रवृत्ति देखिँदै आएको ट्राफिक कार्यालयले जनाएको छ । महानगरीय ट्राफिक प्रहरी महाशाखाका अनुसार पछिल्ला दिनमा दैनिक एक सय ५० देखि दुईसयजनासम्म चालक मापसे कारबाहीमा पर्ने गरेका छन् ।