सर्वोच्चमा २ करोड बेरुजु

काठमाडौं । सर्वोच्च अदालतमा गत आर्थिक वर्षमा दुई करोड बेरुजु रहेको पाइएको छ । महालेखा परीक्षकको कार्यालयले तयार पारेको प्रारम्भिक प्रतिवेदनमा आव ०७०÷०७१ मा सर्वोच्चको विनियोजित बजेटमा करिब दुई करोड बेरुजु रहेको उल्लेख गरिएको हो । बेरुजु तलब ,भत्ता,करकट्टा , विशेष भ्रमणदेखि पत्रिका छपाईसम्मका रहेका छन् । महालेखाले बिनियोजन गरेका अधिकांश शीर्षकपिच्छे बेरुजु औंल्याएको छ । सरकारी कोषको विनियोजन ,राजस्व र धरौटीको लेखापरीक्षण महालेखाले गर्छ । महालेखा परीक्षाकको प्रारम्भिक प्रतिवेदनले अदालतका विभिन्न शीर्षकमा विनियोजन भएको रकममध्ये गत असार मसान्तसम्म एक करोड ७८ लाख ८८ हजार सात सय ४९ रुपैयाँ बेरुजु औंल्याएको हो । महालेखाले अदालतलाई ३५ दिनभित्र मिलाउन सक्ने बेरुजु रकम रुजु गर्न पनि निर्देशन दिएको छ । नयाँ पत्रिका दैनिकमा समाचार छ ।