एकमहिना नहुँदै निगमले ल्याएको एयसबस बिग्रीयो

काठमाडौं । नेपाल बायु सेवा निगमले एकमहिना अघि ल्याएको जहाज बिग्रेर ग्राउन्डेड भएको छ । सगरमाथा नाम दिएको एयर बस गम्भीर प्राविधिक समस्याका कारण उड्न प्रतिबन्ध लगाइएको हो । निगमले माघ २५ गते यो एयरबसलाई काठमाडौँमा दुलही सरी भित्राएको थियो । जहाज काठमाडौं आएको ठिक एक महिना फागुन २५ देखि यो जहाज थन्किन पुगेको हो । वायुसेवा निगम उच्च स्रोतका अनुसार जहाजको फिल्टर बिग्रिएको प्रारम्भिक अनुमान छ । सोमवार जहाज बिग्रिएपछि निगमले यात्रुलाई होटलमा राखेको थियो । यात्रुहरुलाई आज अर्कै एयरलाइन्सबाट उडाउने तयारी भइरहेको निगम स्रोतले जनाकारी दियो । माघ २५ मा ल्याइएको यो जहाजले पहिलो व्यवसायिक उडान भने फागुन १५ मा बल्ल गरेको थियो । व्यवसायिक उडान थालेको १० दिन भए पनि चार दिन त टर्किस एयरलाइन्सको जहाज दुर्घटनाकै कारण विमानस्थल बन्द भएर यो जहाज विमानस्थलमा थन्किन पुगेको थियो ।