बिषादी मिसाइएको रोटी खाँदा एकै परिवारका ६को मृत्यु

काठमाडौं । धादिङको पीडा ८ तुकुन मा विषादी मिलाइएको गहुँ पिसेर रोटी खाँदा एकै परिवारका ६ जना को मृत्युु भएको छ। परिवारका अन्य केही बेहोस रहेको प्रहरीले जनाएको छ। प्रहरीका अनुसार विष हालेको परिकार खाएपछि उपचारका लागि ललितपुरको मेघा अस्पतालमा लैजादै गर्दा मृत्यु भएको हो। मृत्यु हुनेमा ६० वर्षीय सन्तबहादुर तामाङ, उनकी बुहारी २५ वर्षीया फुलमाया तामाङ, ७ वर्षीया सुमित्रा तामाङ, ५ वर्षीय रमेश तामाङ र साढे २ वर्षीया सानुकान्छी तामाङ छन्। मृतक अर्का पुरुषको परिचय नखुलेको प्रहरीले जनाएको छ। आइतबार साँझ बीउ राखेको गहुँ पिसेर खाएपछि उक्त घटना भएको हो ।