एमाओवादी मोर्चाद्धारा संसदीय समितिको बैठकमा भाग लिने निर्णय

काठमाडौं । एमाओवादी नेतृत्वको मोर्चाले सोमबारबाट संसदीय समितिहरुको बैठकमा भाग लिने निर्णय गरेको छ । ३० दलीय मोर्चाको आाइतबार बसेको बैठकले यस्तो निर्णय गरेको हो । यसअघि शनिबार बसेको एमाओवादी बैठकले संसदीय समितिहरु बहिस्कारको निर्णय फिर्ता लिने निर्णय गरेको थियो । तर एमाओवादी बाहेका अन्य दलहरुले भने पार्टी निर्णय नभएको भन्दै समितिका बैठकहरुमा भाग लिदै आएका थिए । माघ ११ गते संविधानका विवादित विषयमा प्रश्नावली बनाउन समिति गठन भएपछि विपक्षी मोर्चाले संविधानसभासँगै संसदीय समितिहरुको बैठक समेत बहिस्कार गरेको थियो । तर, फोरम लोकतान्त्रिकका नेताहरु भने समितिका बैठकहरुमा सहभागी हुँदै आएको थियो । मोर्चाका बैठकमा एमाओवादी अध्यक्ष एंव लोकतान्त्रीक फोरमका अध्यक्ष विजय गच्छदारले दलहरुका बीचमा सुरु भएको संवादका बारेमा जानकारी गराएका थिए ।