काँग्रेसको समावेशी प्रशिक्षण सुरु

काठमाडौं । समावेशी कोटाबाट छानिएका महाधिवेशन प्रतिनिधिहरुका लागि नेपाली काँग्रेसले आइतवारदेखि समावेशी प्रशिक्षण सुरु गर्न लागेको छ । देशभरका ७ ठाउमा आयोजना गरिने प्रशिक्षणहरु मध्ये पहिलो प्रशिक्षण आइतवारदेखि कपिलवस्तुमा सुरु भएको छ । काँग्रेसको केन्द्रिय निति तथा प्रशिक्षण प्रतिष्ठानले आयोजना गरेको प्रशिक्षणको उदघाटन पार्टीका उपसभापति तथा प्रतिष्ठानका प्रमुख रामचन्द्र पौडेलले गरेका छन् । तिन दिनसम्म चल्ने प्रशिक्षणमा लुम्विनी अंचलका नवलपरासी वाहेकका सवै जिल्ला, राप्ती अंचलका सवै जिल्ला र वाके जिल्लाका हरेक निर्वाचन क्षेत्रबाट पाँच पाँच जनाका दरले १ सय ८५ जना महाधिवेशन प्रतिनिधिहरु सहभागी छन् । प्रशिक्षणमा महिला, दलित, जनजाति, आदीवासी, मुस्लीम लगाएतका विभिन्न समावेशी समुहका महाधिवेशन प्रतिनिधिहरुलाई बोलाईएको प्रतिष्ठानका नेता मधु आचार्यले जानकारी दिए । समावेशीता, संघियता, लोकतन्त्र लगाएतका विषयमा काँग्रेसका नेताहरु गगन थापा, धनराज गुरुङ, डा जगदिशचन्द्र पोख्रेल, डा यज्ञ अधिकारी लगाएतले पनि प्रशिक्षण दिनुहुने पनि नेता आचार्यले बताए ।