नागरिकता खोसिएका नेपाली २८ हजार नेपालीभाषी भुटानमा

काठमाडौं । भुटानभित्रै रहेका २८ हजार नेपालीभाषीले सरकारले खोसेको नागरिकता अझै फिर्ता पाएका छैनन् । सन् १९९० को दशकको सुरुमा राजनीतिक आन्दोलनमा जोडिएको आरोप लगाउँदै खोसेर दरबार पुर्‍याइएको नागरिकता उनीहरुले अझै नपाएका हुन् । ‘सन् १९९० को दशकमा राजनीतिक आन्दोलनमा लागेका हामीलाई सरकारले देशनिकाला गर्‍यो, तर आन्दोलनमा कतै न कतै जोडिएको आरोपमा २८ हजार नेपालीभाषीको नागरिकता खोसेर राजाकहाँ पुर्‍याइएको छ । त्यो फिर्ता नपाउँदा उनीहरु आधारभूत सुविधाबाट पनि बञ्चित हुनपरेको छ,’ भुटान नेसनल डेमोक्रेटिक पार्टी बिएनडिपीका कार्यकारी अध्यक्ष डा. डिएनएस ढकालले बताएका छन् । नेपालीभाषीलाई अनागरिक बनाउने तत्कालीन सरकारको निर्णयविरुद्ध आन्दोलित भएका नेपालीभाषी र सारछोक्पा जातिका भुटानीलाई राजाको आदेशमा देशनिकाला गरिएको थियो । त्यतिबेला देशनिकालामा नपारिएका २८ हजार नेपालीभाषीको नागरिकता खोसेर सरकारले शिक्षा, स्वास्थ्य रोजगारीजस्ता आधारभूत सुविधाबाट वञ्चित गर्दै आएको छ । नयाँ पत्रिकामा खबर छ ।