एमाओवादी नेतृत्वको ३० दलीय मोर्चाको सभा जारी

काठमाडौ । सहमतिमा संविधान निर्माणका लागि दवाब दिन आन्दोलनरत् एमाओवादी नेतृत्वको ३० दलीय विपक्षी मोर्चाले राजधानीको खुलामञ्चमा आमसभा गरिरहेकोछ । निर्धारित समय भन्दा एक घण्टा ढिलो गरी सुरु भएको सभामा मोर्चामा आवद्ध दलका नेताहरुले सम्बोधन गरिरहेका छन् । खुलामञ्च भरिएको छ । मञ्चमा एमाओवादी नेता पुष्पकमल दाहाल, बाबुराम भट्टराई ,मधेसी मोर्चाका विजय गच्छदार सहित ३० दलका नेताहरु बसेका छन् । कार्यक्रमको अध्यक्षता दाहालले गरेका छन् ।