३० दलिय मोर्चा जुलुस १३ ठाँउबाट

काठमाडौं । एमाओवादी नेतृत्वको ३० दलीय मोर्चाले शनिबार राजधानीका विभिन्न १३ स्थानबाट जुलुस निकाल्ने तयारी गरेको छ । मोर्चाका सदस्य दलहरुको जुलुस शनिबार बिहान ११ बजेदेखि राजधानीका १३ स्थाबाट एकै पटक निकाल्ने भएका हुन् । सत्तारुढ दलले सहमति मिच्दै पेलेर अघि बढेको आरोप लगाएको मोर्चाले त्यसविरुद्ध विशाल जनशक्ति प्रदर्शन गर्ने जनाएको छ । मोर्चाको जुलुसका कारण राजधानीको ट्राफिक व्यवस्थापन प्रभावित हुने अवस्था देखिएको छ । मोर्चाले खुल्लामञ्चमा हुने जनसभामा कम्तिमा ५० हजार मानिस उतार्ने दाबी गरेको छ । एमाओवादीले माइतीघर, चाबहिल, बालाजु, कालिमाटी र लगनखेलबाट जुलुस निकाल्ने मार्चाले जनाएको छ । त्यसैगरी संघीय समाजवादी पार्टीले स्वयम्भू, डल्लु र बसन्तपुरबाट जुलुस निकाल्ने कार्यक्रम छ । लोकतान्त्रीक फोरमले त्रिपुरेश्वर, तराई मधेश लोकतान्त्रीक पार्टीले र सदभावना पार्टीले बबरमहलबाट जुलुस निकाल्ने मोर्चाले जनाएको छ । संघीय लोकतान्त्रीक राष्ट्रिय गठबन्धले थापाथली, तराई मधेश लोकतान्त्री पार्टी नेपालले, कुपण्डोल, पहिचानमा आधारित संघीय गठबन्धनले भृकुटीमण्डप, संघीय गणतान्त्रीक समाजवादी पार्टीले सोल्टीमोड, आदीबासी जानजाती राष्ट्रिय आन्दोलन सुनधारा,राष्ट्रिय मधेश समाजवादी पार्टीले जावलाखेल र संघीय सदभावनाले भद्रकालीबाट जुलुस निकाल्ने छन् ।