एमाओवादी मोर्चाको आमसभाकै दिन शनिबार भट्टराई दिल्ली जाने

काठमाडौं । एमाओवादी नेता बाबुराम भट्टराई शनिबार भारत भ्रमणमा जाने भएका छन् । काठमाडौंमा एमाओवादी नेतृत्वमा मोर्चाको बृहत आमसभालाई सम्वोधन गरेर भट्टराई भारतीय राजधानी दिल्ली तर्फ प्रस्थान गर्ने कार्यक्रम छ । त्यसपछि १७ गते भट्टराईले भारतीय शहर मुम्बइमा पार्टीको प्रवासका कार्यकर्तालाई सम्वोधन गर्नेछन् । भट्टराईको भ्रमणको उदेश्यबारे पार्टीले खुलाएको छैन । पार्टी नेताहरुले भट्टराईले १७ गते पार्टीको प्रवासमा रहेका कार्यकर्ताको कार्यक्रममा सम्वोधन गर्न भ्रमण हुन लागेको बताएका छन् । उनी १७ गते काठमाडौँ फर्कने कार्यक्रम रहेको भट्टराई निकट नेता गंगा श्रेष्ठले जानकारी दिए । संविधान निर्माणमा विवादका दलहरु विच संवादहिन भएको अवस्थामा भट्टराइले गर्न लागेको दिल्ली भ्रमणलाई अर्थपूर्ण रुपमा हेरिएको छ ।