काँग्रेस केन्द्रीय समिति बैठक बालुवाटारमा

काठमाडौं । पार्टीको १३ औं महाधिवेशन लगायतका विषयमा छलफल गर्न नेपाली काँग्रेस केन्द्रीय समिति बैठक प्रधानमन्त्री निवास वालुवाटारमा जारी छ । बैठकमा पार्टीको १३ औं महाधिवेशन तयारीलगायतका विषयमा छलफल हुने काँग्रेसले जनाएको छ । बैठकमा संविधान निर्माण तथा सहमतिका लागि पार्टी लिनुपर्ने आगामी रणनीतिका विषयमा पनि छलफल हुने काँग्रेस नेताहरुले जानकारी दिएका छन् । उनीहरुका अनुसार संविधान निर्माण तथा सहमतिका लागि अपनाउन सकिने लचकता, विपक्षीलाई सहमतिमा ल्याउने उपाय र सत्तासाझेदार दलहरुसँगको सहकार्यका विषयमा छलफल हुन्छ । केही दिन यता जारी बैठकमा संविधान निर्माणमा विपक्षीलाई सहमतिमा ल्याउन नसकेको तथा छलफल र संवादहरुको नेतृत्व गर्न नसकेको भन्दै सदस्यहरुले पार्टी नेतृत्वको कडा आलोचना गरेका छन् । काग्रेसले पार्टीको १३ औं महाधिवेशन आउँदो भदौको अन्तिम साता गर्न निर्णय गरिसकेको छ । यस्तै आजको बैठकमा पार्टीका भातृसंगठनका महाधिवेशनका बारेमा पनि छलफल गरि निर्णयमा पुग्ने बताइएको छ ।