केजरीवाल केन्द्र सरकारका बिरुद्ध धर्नामा

दिल्ली । दिल्लीका मुख्यमन्त्री अरविन्द केजरीवाल केन्द्र सरकारले ल्याएको भूमि अधिग्रहण विधेयकविरुद्ध धर्ना बस्नेभएका छन् । उनी आज जन्तरमन्तरमा अन्ना हजारेसँगै धर्ना मा बस्ने भएका हुन् । सामाजिक कार्यकर्ता हजारेले केन्द्र सरकारले ल्याएको भूमि अधिग्रहण विधेयकविरुद्ध धर्ना सुरु गरेका छन् । केजरीवालसँगै उपमुख्यन्त्री मनीष सिसोदिया पनि धर्नामा बस्ने भारतीय सञ्चार माध्यमहरुले जनाएका छन् । अन्नाले अहिलेसम्म आफ्नो आन्दोलनमा कुनै पनि राजनीतिज्ञलाई स्थान दिएका छैनन् । तर, केजरीवाल प्रति भने उनी नरम देखिएका छन् । केजरीवाल आफ्नो समर्थनमा आए आफूलाई आपत्ति नहुने उनले बताएका छन् ।