पुस्तक फोटोकपी गरेर बिक्री गर्ने पक्राउ

काठमाडौं । इञ्जिनियरिङका पुस्तक फोटोकपी गरेर बिक्री गर्ने एक जना पक्राउ परेका छन् । इञ्जिनियर रामकुमार श्रेष्ठलगायतका पुस्तक फोटोकपी गरेर बिक्री गरेको सूचनाका आधारमा महानगरीय प्रहरी परिसर जावलाखेलले न्यू श्रेष्ठ फोटोकपीका सञ्चालक राजन श्रेष्ठलाई पक्राउ गरेका हो । प्रहरीका अनुसार उनले ३७ वटा पुस्तकको बिनाअनुमति फोटोकपी गरेर बिक्री गरेको सूचनाका आधारमा पक्राउ गरिएको हो । अभियोग ठहरे प्रतिलिपि ऐन अनुसार ६ महिना कैद वा १० हजारदेखि १ लाख रुपैयाँ जरिवाना वा दुवै सजाय हुनेछ ।