संगितकार अम्बर गुरुङ अस्वस्थ

काठमाडौं । वरिष्ठ संगितकार एवं संगित तथा नाट्य कला प्रतिष्ठानका उपकुलपति अम्बर गुरुङ अस्वस्थ भएका छन् । राष्ट्रिय गीतका संगितकार समेत रहेका गुरुङको धापासीस्थित ग्राण्डी अन्तराष्ट्रिय अस्पतालमा उपचार भइरहेको छ । केहि बर्षयता मधुमेह रोगबाट पीडित गुरुङ बिहीबार बिहान अचानक घरमा लडेपछि टाउकोमा चोट लागेको पारिवारिक श्रोतले जनाएको छ । उनलाई तत्काल ग्राण्डी अस्पताल पुर्याएर भर्ना गरिएको अस्पताल प्रशासनले जनाएको छ । उनको अवस्था सामान्य रहेको भएपनि थप परीक्षणहरु आवश्यक रहेको अस्पतालले जनाएको छ ।