महिला सङ्घको अध्यक्षमा शर्मा

बाग्लुङ। नेपाल महिला सङ्घ बागलुङको अध्यक्षमा शकुन्तला शर्मा निर्वाचित भएकी छन् । आइतबार राति सम्पन्न तेस्रो जिल्ला अधिवेशनबाट शर्मा अध्यक्षमा विजयी भएकी छन् । सर्वसम्मत नेतृत्व चयनको प्रयास विफल भएपछि निर्वाचन गरिएको थियो । शर्माले २३७ मत प्राप्त गरी विजयी भएको निर्वाचन समितिका संयोजक भूमिश्वर गौतमले बताए । शर्माका प्रतिद्वन्द्वी गण्डकी थापा अधिकारीले १३३ मत प्राप्त गरेका थिए ।