बालकोटमा गएराती भीषण आगलागी

भक्तपुर । अनन्तलिंगेश्वर नगरपालिका वडा नं १ बालकोटका जीतबहादुर खड्काको कपास र लुगा पेल्ने कारखानामा शनिवार राती आगलागी हुँदा लाखौको धनमाल क्षति भएको छ । शनिवार राति ८ः४५ बजेदेखि अचानक आगलागी सुरु भएको थियो । भक्तपुर नगरपालिका, ललितपुर उपमहानगरपालिका र काठमाडौँ महानगरपालिकाबाट तीनवटा दमकलले पाँच घन्टाको प्रयासपछि आगलागि नियन्त्रणमा लिएका थिए । सडकको छेउमै रहेको कारखानामा आगलागी भएकाले बस्तीमा आगो फैलन नदिन स्थानीय बासिन्दा, नेपाली सेना, सशस्त्र प्रहरी र नेपाल प्रहरीले प्रयास गरेका थिए । कारखानाका सन्चालक खड्काका अनुसार तीन रोपनी क्षेत्रफलमा फैलिएको कारखाना भित्र रहेका कपडा, कपास र मेशिनमा एकैपटक आगलागी भएको बताउँदै कसैले नियतवश आगलागी गराएको आशंका गरे। उनका अनुसार रु १५ लाखको मेशिनसहित रु ३५ लाख वरावरको क्षति भएको छ ।