नुवाकोटमा मिनिट्रक दुर्घटना, एकको मृत्यु

नुवाकोट । नुवाकोटको चारघरे गाँउ विकास समितिको बान्द्रेढुङ्गामा मिनिट्रक दुर्घटनाहुदाँ एक जनाको मृत्यु भएको छ । दुई जना घाइते भएका छन् । खड्गभञ्याङ्गको जोगिडाँडाबाट कोदो लिएर बट्टारतर्फ आइरहेको बा ३ ख ६७५ नम्बरको मिनिट्रक बलुवाखानी नजिकै बान्द्रेढुङ्गामा बुधबार राति साढे ८ बजे दुर्घटना भएको हो । दुर्घटनामा परी चालक र्गोर्याङ गाविस वडा नम्बर ३ निग्लेनीका सुनिल तामाङको मृत्यु भएको प्रहरीले जनाएको छ । दुर्घटनामा गम्भीर घाइते भएका ३५ वर्षका तामाङको जिल्ला अस्पताल त्रिशुलीमा उपचारको क्रममा ज्यान गएको हो । गाडी धनी समेत रहनुभएका तामाङलाई उपचारको लागि अस्पतालमा र्पुयाए लगत्तै मृत्यु भएको उपचारमा संलग्न चिकित्सकहरुले जनाएका छन् । दुर्घटनामा परी घाइते हुनेमा गाडीका सहचालक र्गोयाङ गाविस वडा नम्बर ५ गल्फुका बाबु तामाङ र दाङसिङ गाविस वडा नम्बर ४ फर्सिकोटेका राजु तामाङ रहेका छन् ।