संविधानसभाको बैठक माघ २२ गते

काठमाडौं । संविधानसभामा प्रश्नावली निर्माण प्रस्ताव समिति गठनसंगै अनिश्चित कालका लागि स्थागित गरिएको संविधानसभा बैठक माघ २२ गते विहिवार बस्नेभएको छ । संविधानसभाको बैठक माघ २२ गते विहिवार बस्ने संविधानसभा सचिवालयले जनाएको छ । संविधानसभा सचिवालयले सुचना आज सुचना जारी गर्दै सवै सदस्यहरुलाई बैठकमा सहभागि हुनका लागि आग्रह गरिएको छ । संसद सचिवालयका महासचिव मनोहरप्रसाद भट्टराईद्धारा जारी गरिएको सुचनामा संविधानसभा नियमावली २०७० को नियम ३ को उपनियम २ बमोजिम सुचना प्रकाशित गरिएको जनाएका छन् । प्रश्नावली प्रस्ताव समिति निर्माण गर्दा संविधानसभा अध्यक्ष सुवास नेम्वाङले पाँच दिनपछि समितिको बैठक बस्ने र पहिलो बैठक बसेको पाँच दिन भित्र प्रश्नावली तयार पार्ने समय दिइएको थियो । प्रश्नावली प्रस्ताव समितिको दिइएको समय पनि विहिवार समाप्त हुँदैछ ।