संविधानसभाको मुडभेड गाँउ लैजाने तयारी

काठमाडौं । दलहरुका बीचमा सहमति भएको भए संविधानको मस्यौदा जारी गरेर दलहरु यतिबेला नागरिकको राय लिन गाउँगाउँ पुग्थे । संविधान निर्माणको कार्यतालिका अनुसार संविधानको मस्यौदा राजपत्रमा छापिएपछि सभासद्हरु त्यसबारे राय लिन गाउँगाउँ जानु पर्ने थियो । तर आफ्नै प्रतिबद्धता अनुसार संविधान जारी गर्न असफल बनेका सत्तारुढ र विपक्षी दल एकअर्कालाई आरोप लगाउन गाउँ जान लागेका छन् । तर माघ–८ मा संविधान जारी गर्न नसकेपछि संविधानसभा बैठकमा एकतर्फी रुपमा ताण्डव देखाएका दलहरु अब मुठभेड गाँउ गाँउ सम्म लैजाने तयारीमा लागेका छन् । संविधानसभा अध्यक्ष सुवास नेम्वाङले बहुमतका आधारमा प्रस्ताव समिति निर्माण गरेपछि जनतामा जाने निर्णयमा एमाओवादी पुग्यो । संविधानसभा अध्यक्ष र सत्तारुढ दलहरु बहुमतका आधारमा पेलेर जान लागेको भन्दै आन्दोलनका कार्यक्रम घोषणा गरेर गाँउ गाँउ जाने निर्णयसंगै सत्तारुढ दलहरुले पनि सभासद् र कार्यकर्तालाई गाँउ गाँउ जान निर्देशन दिए । सत्तापक्ष र विपक्षका गतिबीधि हेर्दा संविधानसभा, सडक हुँदै अब द्धन्द दलहरुले गाँउ गाँउ सम्म लैजाने तयारी जोडतोडले गरेको देखिन्छ । विपक्षीहरुले आन्दोलन घोषणा गरेकै समय पारेर सत्तारुढ दलहरुले पनि आफ्ना सभासद् तथा कार्यकर्तालाई गाँउ जाने निर्देशन दिएपनि मुठभेड गाँउ गाँउ पुग्ने निश्चित जस्तै भएको हो । एकातिर ३० दलीय गठबन्धन कांग्रेस एमालेको भण्डाफोर र खबरदारी गर्न गाउँ जान लागेको छ भने अर्कोतिर सत्तारुढ कांग्रेस एमाले एमाओवादी नेतृत्वको मोर्चाले संविधान निर्माणका बारेमा भ्रम फैलाउने भन्दै भ्रम चिर्न गाँउ जान लागेका छन् । यसबाट सहजरुपमा के अनुमान गर्न सकिन्छ भने अब गाउँटोलमा पनि संविधान सभाभित्र भएको द्वन्द्वको झल्को देखिने निश्चित छ । दलहरुका पछिल्ला योजना, नेताका बोली र उनीहरुका गतिविधि नियाल्दा सहमतीय राजनीतिका सहयात्रीबीचको विश्वासको संकट बिस्तारै मुठभेडतर्फ उद्दत रहेको देखिन्छ । राजनीतिक दलहरुबीच संविधानका अन्तरवस्तुमा देखिएको तीब्र मतभेदसँगै बढेको ध्रुविकरणले मुलुकलाई पुनः मुठभेडमा लैजाने शंका भइरहेका बेला यसैलाई बल पुग्ने गरी दलहरु गाँउ गाँउ जान लागेको देखिन्छ । सोमबार प्रधानमन्त्री निवास बालुवाटारमा बसेको प्रमुख सत्तारुढ दल कांग्रेस संसदीय दलको बैठकले सभासदहरुलाई संविधान निर्माण प्रक्रियाबारे जानकारी दिन जिल्ला जान निर्देशन दियो । प्रश्नावली निर्माण समितिमा रहेका बाहेक सबै सभासदलाई जिल्ला गएर एमाओवादी र मधेसवादी दलहरुले फैलाउन सक्ने भ्रम चिर्न निर्देशन दिएको छ । कांग्रेसले भन्दा अघिल्लो दिन नै सत्तारुढ दल नेकपा एमालेले पनि प्रस्ताव निर्माण समिति गठन भएपछि संविधान निर्माणको ढोका खुलेको भन्दै आफ्ना सभासदलाई यही सन्देश लिएर शीघ्र जनतामा जान निर्देशन दिएको छ । एमालले त विपक्षी दलहरुले उदण्डता प्रस्तुत गरे प्रहरी प्रशासन लगाएर भएपनि प्रतिकार गर्न निर्देशन दिएको छ । त्यती मात्र होइन गाँउ गाँउ सम्म मुठभेड पुग्ने संकेत दलहरुले देखाइसकेको छन् । माघ ६ गते सप्तरीमा एमाले पार्टी कार्यालयमा आगजनी भयो । सो घटनामा एमाओवादी नेतृत्वको मोर्चाका कार्यकर्ता संलग्न रहेको एमालेको आरोप छ । एमाले सप्तरीको पार्टी कार्यालयमा आगजनी भएको भोलीपल्ट एमाओवादी नेतृत्वको मोर्चाका कार्याकर्ता र एमाले कार्यकर्ताका बीचमा झडप भयो र एमाले जिल्ला सदस्य घाइते भए । एमाओवादी नेतृत्वको मोर्चाले गाउँ र नगर तथा निर्वाचन क्षेत्रमा केन्द्रित हुने गरि गत सोमबार आन्दोलनका कार्यक्रम सार्वजनिक गरिसकेको छ । तीन चरणको आन्दोलनका कार्यक्रम अन्तर्गत पहिलो चरणमा भण्डाफोर तथा खबरदारी अभियान, आन्दोलन तयारी, अन्तक्रिया, सभा, भित्तेलेखन, पर्चा वितरण, जिल्ला स्तरीय धर्ना, घेराउ, जनप्रदर्शन, सभा गर्ने विपक्षी योजना छ । सत्तारुढ दलहरुले पनि संयुक्त रुपमा विपक्षको भ्रम चिर्न मुख्य सहरहरुमा आमसभा गर्ने तयारीमा लागेको देखिन्छ । यद्यपी सत्तारुढ दलहरु आमसभा तथा गाँउ गाँउ जाने कार्यक्रम भने तय गरिसकेको छैनन् ।