राजविराजमा बस खस्दा एकको मृत्यु , दर्जन घाइते

राजविराज । पूर्व–पश्चिम राजमार्गमा पश्चिमवटा पूर्वतर्फ जाँदै गरेको ना ४ ख ६९७६ नम्बरको यात्रुबस बक्धुवा ८ स्थित सडकबाट खोला खस्दा एकजनाको मृत्यभएको छ । अत्यधिक गतिमा रहेका सो यात्रुबस मंगलबार बिहान सडकबाट खोलामा खसेर दुर्घटनाग्रस्त भएको हो । दुर्घटनामा परी घाइते भएका एक दर्जनमध्ये आधा दर्जनको अवस्था गम्भीर रहेको छ । सडकस्थित खोला माथि रहेको पुलको रेलिङ भत्काएर अनियन्त्रित भई खोलामा खसेको थियो । बसको गति बढी रहेका अनियन्त्रित भई खोलामा खसेको स्थानीयले बताएका छन् । दुर्घटनामा परी सुनसरीको दुहबी ५ का ४९ वर्षीय मोहम्मद आसिमको घटनास्थलमै मृत्यु भएको हो । उनको शवलाई पोष्टमार्टमका लागि राजविराजस्थित गजेन्द्रनारायण सिंह सगरमाथा अञ्चल अस्प्तालस्थित राखिएको इलाका प्रहरी कार्यालय कञ्चनपुरले जनाएको छ । घाइते सबैको स्थानीय धर्मेश्वर अस्पतालमा प्राथमिक उपचारपछि सघन उपचारकालागि विराटनगरस्थित विभिन्न अस्पताल पठाइएको छ । दुर्घटनाग्रस्त बसका चालक भने फरार रहेको र उनको खोजी भइरहेको प्रहरीले जनाएको छ ।