विपक्षीलाई वार्ताका लागि साझा अपिल गर्दै सत्तापक्ष

काठमडौं । संविधानसभाम संविधानसभा अध्यक्षले प्रश्नावली समिति बनाउने प्रस्ताव गरेपछि बिरोधमा उत्रेको एमाओवादी नेतृत्वको मोर्चालाई वार्तामा ल्याउनका लागि सत्तारुढ दलहरुले आजबाट औपचारिक पहल सुरु गर्नेभएका छन् । सरकारमा रहेका दलहरुले साझा वक्तव्य निकालेर विपक्षी मोर्चामा रहेका दलहरुका अपिल गर्ने तयारी गरेका छन् । कांग्रेस–एमाले लगायतका सरकारमा रहेका दलले संविधानका विवादित विषयमा छलफलमा सहभागी हुन विपक्षी मोर्चालाई औपचारिक रुपमा आग्रह गर्ने तायरी गरेका हुन् । यसको तयारीका लागि सत्तारुढ दलहरुको बैठक बसेर वार्ता र सम्वादमा आउन संयुक्त रुपमा आग्रह गर्ने तयारी छ । दिउँसो बैस्ने बैठकले कांग्रेस एमालेका लगायत सरकारमा रहेका दलका शीर्ष नेताहरुको हस्ताक्षर भएको बिज्ञप्ती सहति औपचारिक रुपमा वार्तामा आउन अपिल गरिने कांग्रेस सहमहामन्त्री पूर्णबहादुर खड्काले जानकारी दिए । बैठकको समय र स्थानको बारेमा भने टुगो लागिसकेको छैन । सोमवार बालुवाटारमा बसेको कांग्रेस र एमालेको बैठकले संविधानसभामा फरक मत राख्ने एमाओवादीसहितका विपक्षी दलहरुसँग सहमतिको लागि वार्ताको ढोका खुल्ला राख्ने र संविधान निर्माण प्रक्रियालाई पनि अघि बढाउने निर्णय गरेको थियो । एकलौटीमा रुपमा बहुमतीय प्रक्रिया सुरु गरेकोभन्दै विपक्षी मोर्चाले भने सरकार,सत्ताधारी दल र संविधानसभाध्यक्ष सुवासचन्द्र नेम्वाङलाई असहयोग गर्ने निर्णय गर्दै हिजो चरणबद्ध आन्दोलनका कार्यक्रम सार्वजनिक गरिसकेको छ ।