ग्याँस कम्पनीको असहयोगपछि सरकारले आजबाट बिक्री रोक्यो

काठमाडौं । उपभोक्ताको मागअनुसार ग्यास आपूर्ति गर्न नसकिएपछि नेसनल टेडिङ लिमिटेडले आजबाट ग्यासको बिक्री स्थगित गर्ने जनाएको छ । सरकारले ग्याँस बिक्री गर्न थालेपछि ग्याँस कम्पनीहरुले असहयोग गरेर ग्यास सिलिण्डर उपलब्ध नगराएपछि आजबाट ग्याँस बिक्री गर्न स्थागित गरेको हो । केही समयदेखि ग्यासको अभाव भएपछि लिमिटेडले आफ्नै कार्यालयबाट आइतबार र सोमबार ग्यास बिक्री गरेको थियो । उपभोक्ताको अत्यधिक माग रहेको र सोअनुरुप ग्यास कम्पनीले ग्यास सिलिण्डर उपलब्ध गराउन नसकेपछि अर्को सूचना नभएसम्मका लागि बिक्री स्थागित गरिएको लिमिटेडका निमित्त महाप्रबन्धक सत्यनारायण मेहताले बताए । उनले मंगलबार सबै ग्यास कम्पनीसँग छलफल गरी पर्याप्त ग्याँस संकलन गरेपछि चाँडै विक्री थालिने स्पष्ट पारे । उनका अनुसार आइतबार र सोमबार गरी नेसनल ट्रेडिङले चार हजार ३०० ग्यास सिलिण्डर विक्री गरेको छ । आइतबार २८ र सोमबार २० वटा ग्यास कम्पनीले ग्यास बिक्रीवितरण गरेका छन् ।