यम बराल सीडनीमा घन्कदै 

पाल्पा इन्टरटेनमेन्टको आयोजनामा सीडनीमा आउदो नोभेम्बर २८ मा नेपालका चर्चित गायक यम बरालको सांगितिक संन्ध्या आयोजना हुने भएको छ । सीडनीको अर्वनमा रहेको ग्रान्ड प्यालेसमा आयोजना हुने कार्यक्रममा बराल मुख्य आकर्षण रहनेछन भने उनलाई स्थानिय कलाकारहरुले साथ दिने आयोजक पाल्पा इन्टरटेनमेन्टका सुवास थापाले जानकारी गराए । कार्यक्रममा चलचीत्र निर्देशक शोभित बस्नेत, गायीका प्रीती घिमिरे ,रोबिन भुषाल, महेन्द्र बीक र निशा तामाङको समेत सहभागिता रहनेछ । 
यसअघिपनि रामकृष्ण ढकाल लगायतका बिभिन्न कलाकारहरुलाई अस्ट्रेलिया ल्याएको पाल्पा इन्टरटेनमेन्टले दर्शकको चाहना अनुरुप पुराना र अनुभवी कलाकारहरुलाई प्राथमिकता दिदै आएको आयोजक थापाले बताए । 
कार्यक्रमलाई आरएफएम, एटुजेड क्लीनीङ सप्लाई, राइट अप्सन एजुकेशनलगायतले प्रयोजनको भुमिकामा सहयोग गरेका छन ।