अतिथी सत्कारमा रमाएका रमेश

सानैदेखि संघर्ष र सफलताको वाटोमा रम्न पुगेका रमेश दाहाल यतिबेला अतिथी सत्कार व्यबशायमा जम्न पुगेका छन । 
 उनको नाम हो रमेश दाहाल, घर सुनसरी । स्कुले शिक्षा सकेपछि राजधानीतिर हुइकिएका रमेशले तिन दशकको बसाइले काठमाडौलाई नजिकवाट नियालेका छन । 
संघर्ष र पसीनामा जम्न जानेका रमेशले जिवनमा रम्न पनि छाडेनन कहिलेपनि । कमाए अनि उत्तिकै उडाए पनि तरपनि गरिखाने मान्छेलाई दैबले ठाउँ दन्छ भनेझै उनको व्यबशायीक जिवनमा नैराश्यता भने केहिले आएन । 
 हसिलो अनुहार, मिठो बोली तर सत्यका पक्षमा अडिग र असत्यको विरुद्धमा सधै निडर भएर मैदानमा उत्रने उनको बानिले कतिलाई झस्काउछ पनि । 
२०५६ सालदेखिनै काठमाडौमा अतिथि सत्कार व्यबशायमा हात हालेका रमेशले साना मझौला रेस्टुरेन्टदेखि फास्टफुडसम्मको यात्रामा 
थुप्रै कमाएपनि गुमाएपनि । तर हौसला भने कहिले हारेनन, साथीभाइलाई नाइ भन्न नसक्ने उनको बानीले पनि धेरै पीरोलेको छ उनलाई । व्यबशायमा उधारो र साथीभाइमा मनमुटाव उनले कहिले चाहेनन । बरु लाखौ त्यागे अनि नया व्यबशाय प्रारम्भ गरे र अगाडि बढिरहे । 
यतिबेला रमेश नेपालको त्रिभुवन बिमानस्थलकै मुखमा रहेका एयरपोर्टमा तिनवटा राम्रा होटल चलाउछन । सबै होटल भरिभराउ छन र राम्रा अनि सर्वसुलभ पनि । 
काठमाडौको त्रिभुवन बिमान स्थलको मुखमा ठडिएको एयरपोर्ट डायना उनको आकर्षक अतिथि सत्कार गृह हो । बिदेशवाट आउने र बिदेश जाने अनि पशुपति दर्शन गर्न आउनेहरुको भिडले सधै भरिएको हुन्छ एयरपोर्ट डायना । सफा चिटिक्क, सबै सुविधा सम्पन्न उनको होटलका रुमहरु बिदेशी तथा स्वदेशीका लागि कुनै पाँचतारे होटल भन्दा कम छैन । तर सर्वशुलभ दाम र सबैको मन जित्ने कामले रमेश कहिले पछि परेका छैनन । प्रारम्भमा तिन दशकअघि उनले बेलायती नामवाट प्रभावित भएर सुरु गरेको डायना रेस्टुरेन्ट अहिले आएर एयरपोर्ट डायनामा रुपान्तरण भएको छ । इतिहासलाई बिर्सनु हुदैन मैले जे नामवाट काठमाडौमा व्यबशाय सुरु गरे अहिले आएरपनि त्यसै नामलाई निरन्तरता दिने प्रयास गरेको छु, रमेशले बताए । 
मैले तिस बर्षको  दौरान धेरै कुरा अनुभव गरेको छु, त्यसैले पनि सोही अनुभवलाई व्यबहारमा साट्ने प्रयास गर्दैछु, रमेशले भने । रमाउने र कमाउने भनेको यस्तै हो जिवनमा , धेरै कमाइयो , रमाइयो अनि सकाइयो पनि तर कर्म गर्न छाडिएन। त्यसैले पनि भगवानले गरिखाने वाटो दिएको जस्तो लाग्छ, रमेशले आफनो भोगाइलाई सुनाए । 
बिदेशमा बस्ने नेपालीहरुले नेपालको अर्थतन्त्रमा ठुलो योगदान दिएको बताउने रमेश पर्यटन क्षेत्रमा भने अझै नेपाललाई पश्चिमादेशहरुसँंग जोड्न नसकेको गुनासो गर्छन । नेपालको सुन्दरता र प्रकृतीलाई हामीले बिश्वमा चिनाउने कामै गरेका छैनौ । धार्मिक पर्यटन, साहसिक  खेल पर्यटनजस्ता कयैन बिषयहरु गौण छन, राज्यले त्यसतर्फ ध्यान दियो भने सबै नेपालीले आआफनो व्यबशायमा फट्को मार्न सक्ने थिए, उनको गुनासो थियो । 
होटल व्यबशाय पनि पर्यटनसँंग सिधै जोडिएको बिषय भएकोले यसलाई राज्यले प्राथमिकताको विषयमा राख्नु पथ्र्यो तर पायो भने बिभिन्न बहानामा तर्साउने काम हुन्छ। 
 जे जसो भएपनि रमेश अतिथि सत्कार व्यबशायमा रमेका छन अनि जमेका पनि छन । उनि भन्छन, मिहिनेत र परिश्रम गर्नेका लागि उन्नतीको वाटो खुला छ ।