नवाज कप फुटबल मे ४ तारिक आइतवार देखि सुरु

सिड्नी । नेपाल अस्ट्रेलिया वेलफेयर सोसाइटी(नवाज)ले आफ्नो सामाजिक कार्यसगै खेलक्षेत्रमा पनि आफनो सहभागिता बढाउने क्रममा आयोजना गर्दै आएको नवाज कप फुटबल प्रतियोेगिता यही आउदो मे महिनाको चार तारिखदेखि आयोजना गर्ने जानकारी दिएको छ । अस्ट्रेलियाको सीडनी वरपर रहेका १६ वटा फुटबल टोलीले सहभागिता जनाउने यो प्रतियोगितालाई यस पटक मार्की होक्सले मुख्य प्रयोजन गर्ने समेत आयोजकले जानकारी गराएका छन । 
लगातार आठ हप्ता सम्म चल्ने मार्की नवाज कप फुटबलमा पहिलो हुने टोलीलाई तिन हजार डलर , दोस्रो हुने टोलीलाई १२ सय र तेस्रो हुने टोलीलाई ६ सय डलर नगद सहित पदक तथा प्रमाणपत्र बितरण गरिने आयोजक समितीका संयोजक बैकुन्ठ डंगोलले जानकारी गराए । प्रतियोगतामा अन्य ब्यक्तीगत उत्कृष्ट खेलाडीलाई पनि नगद पुरस्कार र ट्रफी रहेको बताउदै भेट्रानका विजेतालाई समेत आकर्षक नगद पुस्कार रहने डंगोलले बताए । 
कार्यक्रममा नवाजका अध्यक्ष चिरन तिवारीले आर्थिक रुपमा भन्दा सामाजिक रुपमा आपसमा जोडने अभियानका रुपमा बिगत २६ बर्षदेखि सोसाइटीले विभिन्न सामाजिक तथा खेलकुद कार्यक्रम आयोजना गर्दै आएको बताए । पैसा भन्दा पनि आपसी सदभाव,भाइचारा र एक आपसमा जोडने अभियान नवाज कप हो, अध्यक्ष तिवारीले बताए । 
कार्यक्रममा मुख्य प्रायोजक मार्की होम्सका कार्यकारी इर्शाद अहमदले समाजिक कार्य र समुदायको हितमा हुने हरेक खाले कार्यक्रममा आफनो सहभागिता र सहयोग रहदै आएको बताए । इर्शादले भने, एनआरएनमा युवा संयोजक हुँदा पनि नेपाली राष्ट्रीय फुटबल टोलीलाई अस्ट्रेलिया ल्याएर बिशेष प्रशिक्षण गराएका थियौ र भबिष्यमा पनि खेलक्षेत्रमा आफनो सहभागिता रहदै आउने बिश्वास ब्यक्त गरे ।
कार्यक्रममा एनआरएन एनएसडब्लुका सचिब कल्याण खड्काले फुटबलप्रेमीहरुका लागि यस्ता खाले हरेक प्रतियोगिताहरु एउटा चाडका रुपमा रहने र यसले समाजका युवा वर्गलाई जोडने कार्यगर्दै आएको सुनाए । 
प्रतियोगिताका डाइरेक्टर डा राजु मानन्धरले मुलुक चिनाउने अभियानका रुपमा रहेको खेलकुद र युवा वर्गलाई अनुशासनको ढांचामा बाध्ने फुटबल नेपाली समुदायको लागि अभिन्न अंग बनिसकेको बताए । 
अखिल नेपाल फुटबल संघका अस्ट्रेलिया प्रतिनिधी सुवास तामाङले नेपाली फुटबललाई अस्ट्रेलियासँंग जोडने र यसको बिकासमा लागि पर्ने अभियानमा आफु लागिपरेको बताए । कार्यक्रममा अस्ट्रेलियन नेपाली फुटबल संघका अध्यक्ष विजय क्षेत्री,एक्सपर्टका भुवन पाण्डे, टीआरसीसीका ज्ञानक वाइवा,सहारा क्लब अस्ट्रेलियाका अध्यक्ष सिर्दाथ पौडेललगायतले प्रतियोगिताको सफलताको शुभकामना ब्यक्त गरेका थिए । 
कार्यक्रममा गोलप्रथाद्धारा टिम बिभाजन समेत गरिएको थियो । जनसम्पर्क समितीका अध्यक्ष शुरेस गुरुङ, सदस्य सुनिल बिष्टलगायतले गोला तानेर समुहको बर्गिकरण गरेका थिए ।