सेण्ट्रलकोष्ट नेपालिज कम्युनिटीको नयाँ बर्ष शुभकामना आदान प्रदान साँझ सम्पन्न

सेण्ट्रलकोष्ट नेपालिज कम्युनिटीले यहि अप्रील १३ तारिक शनिबार नयाँ बर्ष २०७६को अबसरमा नया बर्ष शुभकामना आदान प्रदान साँझ सम्पन्न गरेको छ । टगराहको हलमा भएको कार्यक्रममा सेण्ट्रल वरपर बस्ने करिब १०० जनाको उपस्थिती रहेको थियो । एन आर एन अष्ट्रेलियाका न्यासनल सेक्रेटरी देब गुरुङ्गले पानसमा दीप प्रज्वलन गरि उद्घाटन गर्नु भएको थियो ।उद्घाटन मन्तव्यका क्रममा श्री गुरुङ्गले एन आर एनलाई सबैको साझा सस्थाका हिसाबले बुझ्न आग्रह गर्दै अबको आगामी एन आर एन बिशुद्द सामाजिक भावनाका साथ आगाडी बड्नु पर्ने बताउदै यसकालागी आफू लागि परिरहेको र यो अभियानमा सबै लाग्न र सहयोग गर्न अनुरोध गर्नु भयो । यसैगरी नेपाली कला संस्कृति तथा साहित्य प्रतिष्ठानकि अध्यक्ष सुजाता बस्नेत केसिले शुभकामना मन्तव्य ब्यक्त गर्नु भएको थियो । कार्यक्रममा बैजु पराजुली,सनुजा देवकोटा,प्रतिमा कोइराला ,श्रीजना थापा र सिर्जना पौडेलले नृत्य प्रस्तुत गर्नु भएको थियो र बिकाश उप्रेतिले गीत गाउनु भएको थियो ।संस्थाका उपाध्यक्ष श्री खगेन्द्र ढकालले सबैलाइ कार्यक्रममा स्वागत गर्नु भएको थियो ।कार्यक्रममा संस्थाका अध्यक्ष श्री देबी पौडेलले सम्पुर्ण प्रायोजक एबम सहभागीहरुलाइ धन्यवाद ज्ञापन गर्दै सबैको प्रशंसा गर्नु गर्दै सहभागी एबम प्रायोजकहरुलाइ प्रशंसा पत्र प्रदान गर्नु भएको थियो ।अध्यक्षको मन्तव्यमा श्री पौडेलले अबको एक बर्षमा संस्थाको अधिबेशन गरिने र नयाँ कार्यसमिती बनाइने भएकोले संस्थाको कार्यसमितिमा बसेर काम गर्न उपस्थित सबैलाइ आफ्नो समय परिस्थिति मिलाएर सामाजिक बन्न पनि उत्प्रेरित गर्नु भएको थियो ।डि जे सन्दिपको साङ्गितिक सम्योजनमा सबैले नाचेर रमाइलो गर्दै बिक्रम सम्बत २०७५लाई बिदा गरिएको कार्यक्रम सस्थाका सचिब सन्तोश शर्माले संचालन गर्नु भएको थियो ।