आज सिड्नी लुना पार्कमा नेपाली म्युजिक मेला

सिड्नी । सिड्नीको प्रख्यात लुना पार्कमा आज बेलुकी ५ बजेदेखि नेपाली संगीयमय हुने भएको छ । एक्सपर्ट एजुकेशनको प्रायोजन तथा नेपाल स्वायड ईन्टरटेनमेन्टको आयोजनामा सिड्नीको लुना पार्कमा नेपाल म्युजिक फेस्टीभलमा १७ जना नेपाली कलाकारहरुले एउटै स्टेटमा आआफ्नो प्रस्तुती दिनेछन् । जसमा मुक्ति एण्ड रीभाईभल, चर्चीत गायक नबीन के भट्टराई, द एज ब्यान्ड, आशिष राना (लाहुरे) कुटुम्बले एकै स्टेजमा आफ्नो प्रस्तूती गर्ने भएका छन् । सबै खाले नेपाली संगीतको फÞ्यूजÞन एउटै स्टेजमा ल्याउनु आफ्नो लागि गर्वको कुरा भएको उक्त म्युजिक मेलाका प्रयोजक एक्सपर्टका निर्देशक संजीव शर्मा र बद्री अर्यालले बताए । नेपाली कला संस्कृति र गीत संगीतलाई प्रवासमा प्रोत्साहित गर्ने काममा एक्पर्ट एजुकेशनले आगामी दिनमा पनि सक्दो सहयोग गर्दै हातेमालो गर्दै अगाडि बढ्ने निर्देशक अर्यालले बताए । लाहुरेको र्याप अनी नवीन भट्टराईको आधुनिक अनि कन्दराको संगीतसँगै मुक्ति एण्ड रीभाईभलको धमाका र एज ब्यान्डको मन्त्र मुग्ध गानाले सिड्नी नेपालमय हुनेछ । कार्यक्रमलाई संयोजन गरेको नेपाल स्क्वायडका गगन बीडारीले विदेशमा बसेर नेपालका सबै खाले संगीत एउटै मन्चमा पस्किने यो माहोलमा सबैलाई सहभागी भएर सहयोग गर्न अनुरोध गरे। कार्यक्रममा मुक्ति एन्ड रीभाईभलका मुक्ती साक्य, आशीष राना (लाहुरे) एज ब्यान्डका जीवन गुरुडले नेपाली संगीतका सबैखाले स्वाद एउटै मन्चमा पाउने मौका नगुमाउन दर्शकलाई आग्रह गरे । सम्भवतः नेपालका विभिन्न म्युजिक व्याण्डका धेरै कलाकारहरुले एकै ठाउँमा स्टेट शेयर गरेको पहिलो पटक हो । नेपाली गीत संगीतमा तीन दशक विताएका मुक्ति एन्ड रीभाईभलका मुक्ती शाक्यले यो युवा पुस्ताका लागि राम्रो सन्देश भएको बताए । लाहुरेका आशीष रानाले अग्रजहरुसँग काम गर्न पाउँदा आफुले धेरै कुरा सिक्न पाएकोमा खुसी व्यक्त गरे ।