नयाको अध्यक्षमा प्रकाश खरेल

सिड्नी । नेप्लीज अस्ट्रेलियन युथ एशोसिएसन(नया)को शुक्रबार सम्पन्न साधारणसभावाट प्रकाश खरेलको अध्यक्षतामा नया कार्य समिती चयन भएको छ । अस्ट्रेलियाको नेपाली समुदायबिच स्थापनाको छोटो समयमै चर्चित बनेको यो संस्था यहाका युवाहरुको मिलन केन्द्रका रुपमा पनि परिचित छ । एनआरएनका अभियन्ता समेत रहेका युवा नेता खरेलको अध्यक्षतामा बनेको नया कार्यसमितीको उपाध्यक्षमा सुमन बोहरा,निजन चौलागाई र पुजा चन्द चुनिएका छन । यस्तै नयाको महासचिबमा प्रकाश अर्याल, कोषाध्यक्षमा प्रमिता शर्मा, सचिबमा दिपेन्द्र भण्डारी र सहचिबमा कुन्जा बस्नेत राना चयन भएका छन । सिडनीको रकडेलस्थीत इन्द्रेणी फक्सन सेन्टरमा आयोजित भब्य समारोह बिच नयाका पुरानो कार्यसमितीकातर्फवाट अध्यक्ष कोमलराज पाठकले नव निर्वाचित अध्यक्ष प्रकाश खरेलको टिमलाई नेतृत्व हस्तान्तरण गरे । कार्यसमितीको इभेन्ट संयोजकमा अनुपराज न्यौपाने ,पब्लीक अफीसरमा लोचन धिताल, प्रबक्तामा हिरा कडेंल ,कल्चर कोर्डिनेटरमा अनुजा शर्मा, खेलकुद संयोजकमा द्धारिका दवाडी र आइटी संयोजकमा किरण अधिकारी चयन भएका छन । दुइ बर्षे कार्यकाल रहने नयाका कार्यसमिती सदस्यहरुमा सागर काफ्ले, नारायण प्रशाद पाण्डे,अर्जुन गौतम ,विजय पौडेल ,खगेन्द्र सत्याल,ओजु जोशी,प्रेम निरौला र बिश्वास अधिकारी निवाृचित भएका छन । नेतृत्व चयन कार्यक्रमलाई एक समारोहबिच नेपाली राजदुतावासका काउन्सिलर राजेन्द्र पाण्डेले उदघाटन गरे । पाण्डेले प्रवासमा पनि युवा जगतले खेलेको भुमिका महत्वपुर्ण रहेको बताए । कार्यक्रममा पुर्व अध्यक्ष कोमलराज पाठकले पछिल्ला चार बर्षमा संस्थाले गरेका समाजिक कार्यको फेरिहस्त प्रस्तुत गरेका थिए । अध्यक्षमा चुनिएपछि खरेलले छोटो समयमा युवाहरुको ढुकढुकी बन्न सफल नयाको गरिमा बचाउन आफुले कुनै कसर बाँकी नराख्ने बताए । नयाले सिडनीमा युवाहरुलाई केन्द्रबिन्दुमा राखेर भलिबर,बास्केटबल, क्रिकेट लगायतका खेल प्रतियोगिताहरुको आयोजनाका साथै सामाजिक सदभावका लागि क्रुज पार्टी र नेपालको शैक्षिक क्षेत्रमा समेत सहयोग पुरयाउदै आएको छ ।