पर्थमा तीन नेपाली मुक्केवाज अस्ट्रेलियन प्रतीद्वन्द्वीसंग भीड्दै            

अस्ट्रेलियामा पर्थमा आयोजना हुन लागेको प्रतिष्ठित थण्डरडोम प्रोफेसनलबक्सिङ फाइटमा तीन नेपाली व्यावसायिक मुक्केबाजहरूले भिड्ने भएका छन् ।

पर्थय्थीत नर्थब्रीजको मेट्रो सीटीमा आगामी मार्च १३ मा हुने उक्त प्रतियोगितामा नेपालका विकास राणा, महेन्द्र बहादुर चन्द रअनिल कुमार पुन मगरले विभिन्न तौल समूहमा अस्ट्रेलियाली प्रतिस्पर्धीहरूसँग भिडन्त गर्ने निश्चित भएको हो । प्रतियोगिताअन्तर्गत ६९ केजी तौल समूहमा रुकुम पूर्वका विकास राणाले अस्ट्रेलियाका डेभिन केलीको सामना गर्नेछन् । लामो समयदेखिम्याक्स बक्सिङ प्रमोसनमार्फत व्यावसायिक खेलमा सक्रिय राणा अनुभवी खेलाडी मानिन्छन् ।

त्यसैगरी, ६४ केजी तौल समूहमा राष्ट्रिय च्याम्पियन महेन्द्र बहादुर चन्दले अस्ट्रेलियाका तराना सुबारीसँग प्रतिस्पर्धा गर्नेछन् ।अन्तर्राष्ट्रिय पदक विजेता चन्दका लागि यो भिडन्त निकै महत्वपूर्ण मानिएको छ । त्यस्तै, ६१ केजी तौल समूहमा दाङकाअनिल कुमार पुन मगरले अस्ट्रेलियाली च्याम्पियन एन्थोनीसँग प्रतिस्पर्धा गर्नेछन् । जुनियर नेसनल गोल्ड मेडलिस्ट तथाबंगलादेश र दुबईमा समेत खेलिसकेका पुनका लागि यो खेल व्यावसायिक करियरको कोसेढुङ्गा सावित हुने अपेक्षा गरिएकोछ ।

नेपाल व्यावसायिक बक्सिङ तथा म्याक्स बक्सिङ प्रमोसनको समन्वयमा हुन लागेको यस प्रतियोगिताका लागि ब्रिजबेनस्थित‘स्पाइसी मम’ का प्रोप्राइटर एस श्रेष्ठले खेलाडीहरूलाई प्रायोजन गरेका छन् । नेपाली मुक्केबाजहरूको उत्साह बढाउन पर्थका नेपाली समुदायका अगुवाहरु  लागि परेको एनआरएन अस्ट्रेलियाका युवा उपसंयोजक मनीष सीग्देलले बताए । नेपालीखेलाडीहरूको यो सहभागिताले अन्तर्राष्ट्रिय व्यावसायिक बक्सिङको मञ्चमा नेपालको पहिचान थप उच्च बनाउने विश्वासप्रशिक्षक तथा बक्सर म्याक्स बस्नेतले बताए ।