छक्का पञ्जा युएसए कमेडी टुर २०२५' आयोजना हुने 

नेपाल प्रतिनिधि 
काठमाण्डौ ।  'छक्का पन्जा- युएसए कमेडी टुर २०२५' आयोजना हुने भएको छ। आत्रेय प्रोडक्सन हाउस र ग्लोबल इभेन्ट्सको संयुक्त प्रस्तुतिमा 'छक्का पन्जा- युएसए कमेडी टुर २०२५' हुने भएको छ । टुरको बारेमा जानकारी दिने उद्देस्यले हालै काठमाण्डौमा आयोजित एक कार्यक्रममा नेपाली हाँस्य कलाकारहरू दीपकराज गिरी र दीपाश्री निरौला, साथमा जितु नेपाल 'मुन्द्रे' सहितको 'छक्का पन्जा' टिम को प्रस्तुति हुने जानकारी गराईयो ।  कमेडी टुरमा कलाकार  आसिफ शाह, गायिका मिना पोख्रेल र धर्मेन्द्र सेवान पनि सहभागी हुने बताइएको छ ।

अमेरिकाका विभिन्न १५ सहरमा आयोजना हुने यो कमेडी टुर सेप्टेम्बर १९ बाट बाल्टिमोरबाट सुरू हुनेछ । सो अवसरमा सेप्टेम्बर २० मा कोलम्बस, २१ मा एक्रोन र २७ मा टेक्सास (डालस) मा कार्यक्रम गरिने छ । 

 नेपाली चलचित्रको अमेरिकामा वितरण तथा म्युजिक भिडिओ निर्माणमा सक्रिय रहेको आत्रेय प्रोडक्सन हाउसले यसपटकको 'छक्का पन्जा' यात्रालाई विशेष बनाउने तयारी गरिरहेको छ । नेपालबाट यस कार्यक्रमको संयोजन कोरेभेक्स सोलुसनको तर्फबाट हर्षित घिमिरेले गरिरहेका छन् भने अमेरिकामा सुदीप आत्रेय र सुमन अधिकारीले गरिरहेका छन् ।