एडिलेडका बिष्णु आइसीसी सदस्यका दाबेदार 

गैडाकोटमा जन्मेर अष्ट्रेलियाको एडिलेडमा स्थायी रूपमा बसोबास गर्दै आएका युवा अभियन्ता बिष्णु तिवारीले आगामी कार्यकाल (२०२५–२७) का लागि गैरआवासीय नेपाली संघको अन्तर्राष्ट्रिय समन्वय परिषद् सदस्य पदमा उम्मेदवारी घोषणा गरेका छन्।
एनसीसी अष्ट्रेलिया सदस्यका रूपमा सक्रिय रहँदा प्राप्त अनुभव र जिम्मेवारीले आफूलाई अन्तर्राष्ट्रिय तहमा अझ प्रभावकारी भूमिका निर्वाह गर्न 
प्रेरित गरेको बताउँदै तिवारीले अब आइसीसी सदस्यको रूपमा कार्य गर्न पूर्ण रूपमा तयार र प्रतिबद्ध भएको बताए । तिवारी वर्तमान एनआरएनए अस्ट्रेलियाका एनसीसी सदस्य हुन्। 
उनले एनआरएनलाई सबै नेपालीहरूको साझा, समावेशी र विश्वसनीय मञ्च बनाउने दृढ संकल्प लिएर उमेदबार प्रस्ुतत गरेको बताएका छन ्। प्रवासी नेपालीहरूको हक, हित र सुरक्षाका विषयमा नीति तहमै प्रभावकारी आवाज बुलन्द गर्ने, युवाहरूलाई नेतृत्वमा ल्याउन प्रेरणा दिने, अष्ट्रेलियामा रहेका नेपाली व्यवसाय, शिक्षा र सामाजिक क्षेत्रलाई संस्थासँग जोडेर अघि बढाउने र पारदर्शी, जवाफदेही तथा समावेशी नेतृत्व संस्कृतिको अभ्यास संस्थागत बनाउने स्पष्ट योजना बुन्ने आफ्नो लक्ष्य रहेको सुनाए । 
तिवारीले आगामी जुलाई २६ मा हुने निर्वाचनमा अष्ट्रेलियाबाट आइसीसी सदस्य पदमा विजयी गराउन आग्रह गर्दै सबैको साथ, समर्थन र अमूल्य मतको अपेक्षा गरेका छन्। पछिल्लो नेपालमा आएको बाढि पहिरोमा समेत नेपालमा बसेर सेवाभावमा प्रस्तुत गरेका थिए । एनआरएनको राहत बितरणमा समेत सक्रिय रहेको बिष्णु एनआरएन अस्ट्रेलियामा चिनिएका एक अनुहार समेत हुन । कहिले गायन क्षेत्र त केहिले सामाजिक क्षेत्रमा सक्रिय रहने तिवारी अस्ट्रेलियाबासी नेपालीले आफुलाई सदैव माया गर्ने कुरामा बिश्वस्त रहेको बताउछन । अस्ट्रेलियामा दोस्रो पुस्तालाई नेपालसँंग जोड्ने र नेपाली भाषाको सम्वर्धन गर्ने आफनो अभियान यस पटकको बिशेष नारा समेत रहेको तिवारीले सुनाए । भाषा नरहे हामी नेपाली हुदैनौ त्यसैले भाषाको संरक्षण र नया पुस्तालाई माटोसँंग जोडने अभियानमा मेरो पहल कदमी हुनेछ ।