रामप्रसाद कोईरालाको दुई कृतिहरुमाथि ब्रिसबेनामा समिक्षा 

सिड्नी । लेखक रामप्रसाद कोईराला द्वारा लिखित  कृतिहरु ‘मेरी उनी र म’ तथा ‘Colossal Love: My Life’s Journey’  को यहि अगस्ट २४ तारिख शनिबारका दिन ब्रिसबेनस्थित मिचल्टन पुस्तकालयको सभा कक्षमा समीक्षा कार्यक्रम सम्पन्न भएको छ । ब्रिसबेनामा बसोबास गरिरहेका नेपाली साहित्यानुरागीहरुको बाक्लो उपस्थितिमा सम्पन्न सो कार्यक्रममा लेखकले आफना जीवनका परिघटनाहरु र यिनको किन र कसरि यी पुस्तकहरुमा उल्लेख भएको छ भन्ने विषयमा आफ्ना अनुभवहरु सुनाएका थिए ।

 कार्यक्रमकै क्रममा प्रकाशित कृतिका विषयवस्तु र यिनको प्रस्तुति, लेखन लगायतका  विविध पक्षमा चर्चा परिचर्चा गरिएको थियो । साथै लेखक रामप्रसाद कोईरालाद्वारा रचना गरिएका तीनवटा गीतहरु  प्रस्तुत गरिएका थिए । कार्यक्रममा  लेखकले सहभागीहरुका जिज्ञासाको जवाफ दिंदै  पुस्तक तथा लेखनका सम्बन्धमा थप जानकारी गराएका थिए ।  
कोइरालाका यी पुस्तक पढ्न चाहनेले  मनिष कोईराला लाई  ०४३२१५०९६७ मा सम्पर्क गर्न सक्नुहुनेछ।  पुस्तक बिक्रीबाट संकलित रकम नेपालमा सन्चालित हेयरिङ्ग परियोजनाको  निम्ति उपलब्ध गराइने बताईएको छ ।