सीड्नीको अवर्नमा तिज धमाका भब्य रुपमा सम्पन्न

सिड्नीस्थित अबर्न नेपाली समाजले आयोजना गरेको ‘तीज धमाकाधुमधामका साथ साथ सम्पन्न भएको छ । सांस्कृतिक विविधता र नेपाली मौलिकता झल्किने उक्त तिज कार्यक्रममा सिड्नीका नेपाली समुदायको उल्लेखनीयसहभागिता रहेको थियो । कार्यक्रममा एनआरएनए ओसेनिया क्षेत्रिय संयोजक दीनेस पोखरेल ,अष्ट्रेलियाका अध्यक्ष अनिल पोखरेल, कम्बरल्यान्ड काउन्सिलका काउन्सिलर एनभर यासर, ओबर्न प्रहरी एरिया कमाण्डका सुपरिन्टेन्डेन्ट रोबर्ट टोइन्टनतथा बरउड काउन्सिलकी काउन्सिलर सुकृती भट्टले विशेष अतिथिका रूपमा  बोल्दै बीदेशमा पनि नेपाली कला संस्कृतीको पहिचान आफैमा महत्लपुर्ण उपलब्धिका रुपमा रहेको बताए । । उनीहरूले नेपाली संस्कृतिको संरक्षण र प्रवर्धनमा योगदानदिने यस्ता कार्यक्रम प्रशंसनीय भएको उल्लेख गर्दै आयोजक संस्थाप्रति आभार प्रकट गरेका थिए ।

कार्यक्रममा स्थानिय बालबालिकाले सामूहिक नृत्य प्रस्तुत गरेका थिए भने नेपालबाट आएका लोकप्रिय गायक रामजी खाँड रगायिका शान्ता रानी परियारले डेढ घण्टा लामो  प्रस्तुति दिँदा तिजको रौनकले कार्यक्रम रंगिन बनेको थियो ।

त्यसैगरी, समाजका पूर्वअध्यक्ष जितेन्द्र श्रेष्ठ, असोक उप्रेती तथा संरक्षकहरूलाई सम्मान तथा प्रमाणपत्र प्रदान गरिएको थियो। 

कार्यक्रममा एन्टाका अध्यक्ष रञ्जित शाह, नारी निकुञ्ज एनएसडब्लुकी नवनिर्वाचित संयोजक आशा श्रेष्ठलगायतसमुदायका सक्रिय दिदीबहिनीहरूको उल्लेखनीय उपस्थिति रह्यो । कार्यक्रमको सञ्चालन एनआरएनए एनएसडब्लुकीनवनिर्वाचित सदस्य अजिना कार्की र डोल्मा लामाले गरेका थिए ।अबर्न नेपाली समाजका अध्यक्ष अरुण श्रेष्ठ र उपाध्यक्षहेमन लामिछानेले  अतिथी , कलाकार र सहभागीहरूलाई धन्यवाद ज्ञापन गर्दै समाजले नेपाली कला , संस्कृती र साहीत्य उत्थानमा लागि पर्ने बचनबद्धता प्रकट गरे ।