आईसीसी सदस्यमा राजेशको बलियो दाबेदारी    

गैरआवासीय नेपाली संघ (एनआरएनए) अष्ट्रेलियाको आइसिसी सदस्य पदमा युवा ब्यवसायी राजेश केसीले आफ्नो दाबेदारी प्रस्तुत गरेका छन् । सामाजिक अभियन्ताका रुपमा क्रियाशील रहँदै आएका सिड्नीनिवासी केसी यहाँको नेपाली समाजमा स्थापित नाम हो ।यस अघि पवि एनआरएनको बीभीन्न पदमा बसीसकेका केसी पोखरा समाज लगायत बीभीन्न संघ संस्थामा आवद्ध थिए । 

यहाँका नेपाली समुदायमा आइपर्ने समस्या समाधानप्रति सधैँ अग्रसर रहँदै आएका केसीको यो उम्मेदवारीलाई प्राय सबैको समर्थन रहेको पाइन्छ ।

केसी भन्छन्, ‘‘अग्रज र समकालीनहरूले दिनुभएको उत्साह र साथ मिल्ने भएपछि मैले उम्मेदवारी दिने निर्णय गरेको हुँ ।’’ मन, वचन र कर्मले अष्ट्रेलियामा रहेका प्रवासी नेपालीहरूलाई साथ दिँदै अगाडि बढेका केसीलाई इमान्दार व्यक्तिको रूपमाहेर्ने गरिएको छ ।

अष्ट्रेलियास्थित नेपाली समुदाय माँझ रहेर उतारचढाब पार गर्दै आएका केसीले स–गौरब गैरआवासीय नेपाली संघकोआइसिसी सदस्य पदमा उम्मेदवारी दिएका हुन् ।
उम्मेदवारीसँगै आगामी दिनमा नेपाली समुदायप्रति दत्तचित्त भएर लाग्ने प्रतिबद्धता व्यक्त गर्दै केसीले सबैको साथ, सहयोग, सदभाब, माया र हौसलाको अपेक्षा समेत राखेको बताए । केसीले प्रवासी नेपालीहरूको हक, हित र सुरक्षाका विषयमा नीति तहमै प्रभावकारी आवाज बुलन्द गर्ने, युवाहरूलाई नेतृत्वमा ल्याउन प्रेरणा दिने, अष्ट्रेलियामा रहेका नेपाली व्यवसाय, शिक्षा र सामाजिक क्षेत्रलाई संस्थासँग जोडेर अघि बढाउने र पारदर्शी, जवाफदेही तथा समावेशी नेतृत्वको अभ्यास र संस्थागत बनाउने स्पष्ट योजना बुन्ने आफ्नो लक्ष्य रहेको सुनाए ।