नेपाली नागरिकता बोकेर बिमानस्थलमा भिषा लिनुपर्ने अवस्थाको अन्त हुनुपर्छ : संग्रौला

नेपाली काग्रेसकी केन्द्रीय सदस्य डा डिला संग्रौलाले नागरिकता बोकेर स्वदेश पुग्ने प्रवासी नेपालीले बिमानस्थलमा डलर तिरेर प्रवेशाज्ञा लिनु पर्ने बिषय दुर्भाग्यपुर्ण रहेको बताएकी छिन । पारिवारिक भ्रमणमा सीडनी आइपुगेकी काग्रेश नेतृ संग्रौलाले जन सम्पर्क समितीको आयोजनामा अन्तरक्रिया कार्यक्रममा बोल्दै यस्तो बताएकी हुन । 
उनले एक पटकको नेपाली सधैको नेपाली भन्ने नारालाई सार्थक बनाउने उद्देस्यका साथ दोहोरो नागरिकताको व्यबस्था गरिएतापनि कार्यविधि र निर्देशिकाको अभावमा बिदेशमा बसेका नेपालीहरु 
नागरिकता बोकेर पनि बिदेशी बन्न बाध्य भएको बताइन । आफु प्रतिनिधिसभा सदस्य भएकै बेला गैर आवासिय नेपालीहरुलाई नागरिकता दिने बिषयमा लामो छलफल र बहसपछि नितिगत निर्णय भएपनि यसले पुर्णता नपाउँदा कागजमा नेपाली भएपनि ब्यवहारमा भने बिदेशीझै बन्नु परेको बास्तविकता आफुले देखेको संग्रौलाले सुनाइन । 
मुलुक दुख्दा जुरुक्कै उठने गैर आवासिय नेपालीहरुलाई राज्यले महत्वका साथ हेर्नुपर्ने बेला यस्ता साना तिना कार्यविधि र निर्देशिकाका कारण झन्झटीलो प्रकृयामा अल्झाउदा लगानीका अवसरहरु पनि खेर गइरहेको आफुले पाएको संग्रौलाले स्मरण गराइन । 
पुर्व सांसद समेत रहेकी संग्रौलाले कार्यक्रममा बोल्दै मुलुक यतिबेला आर्थिक संकटसँग जुधिरहेको अवस्थामा बिदेशमा बस्ने नेपालीहरुलाई स्वदेशमा लगानि भित्राउन आब्हान गर्नुपर्ने बेला साना तिना बिषयमा अल्झाउदा नकरात्मक असर परिरहेको बताउदै सरकारले शुसासनको अनुभुती दिन नसकेको बताइन
। शिक्षा बिधेयक नबन्दा शिक्षकहरु सडकमा उत्रनु पर्ने अवस्था र बिश्वबिद्यालय भित्र राजनितीकरणले मुलुकको समग्र शिक्षा जगतनै बिथोलिएको अवस्थाको चित्रण गर्दै संग्रौलाले भनिन, अवस्था परिवर्तन गर्न नसक्दा लोकतन्त्रजस्तो सुन्दर व्यबस्था माथिनै प्रश्न चिन्ह उठन थालेकोमा सबै चिन्तीत हुनुपर्ने बेला आएको छ । 
कार्यक्रममा जनसम्पर्क समिती अस्ट्रेलियाका उपाध्यक्ष राजेश केसी र सह महामन्त्री रोहित खड्काले काग्रेस नेतृ संग्रौलालाई खादा माला लगाएर स्वागत गरेका थिए । कार्यक्रममा, नेपाल अस्ट्रेलिया डेमोक्रयाटीक फोरमका अध्यक्ष ज्ञानेन्द्र रेग्मी,नेपाली विध्यार्थी संघका सुनिल बिष्ट, ग्रानभिल समाजका अध्यक्ष भिम बस्नेत, लोकतान्त्रिक खेलकुद संघका बसन्त अर्याल लगायतका बक्ताहरुले नेपाली राजनितीक दलप्रती बितृष्णा बढदै गएको सन्दर्भमा आआफना धारणा ब्यक्त गरेका थिए ।