सीड्नीमा रुचाइयो रामकृष्णको मालती मंगले 

रानी फील्मसको ब्यानरमा चर्चित गायक रामकृष्ण ढकालद्धारा निर्मित चलचित्र मालती मंगलेको अस्ट्रेलिया प्रदर्शन अघि सीड्नीमा रेड कार्पेट प्रीमीयर ग्रान्ड प्प्यालेसमा सम्पन्न भएको छ । माउन्ट पुमोरी इभेन्ट्सको आयोजनामा ग्रान्ड प्यालेस इभेन्ट हलमा गायक 
रामकृष्णको प्रस्तुती सहित रेड कार्पेट प्रिमियर शो भिडभाडका साथ सम्पन्न भएको छ । 
नेपालमा प्रदर्शन भैसकेको यो चलचित्र अहिले अमेरिकामा प्रर्दशनमा रहेको छ भने अमेरिका पछि अस्ट्रेलियाका बिभिन्न शहरहरुमा यसको प्रर्दशन गरिने आयोजकले जनाएको छ । रेड कार्पेट शोमा चलचित्र प्रदर्शनपछि गायक ढकालको आधा दर्जन गायन प्रस्तुत गरेका थिए ।  
नेपाली स्तरिय चलचित्रलाई अस्ट्रेलियामा प्रर्दशन गरेर यसको बिकास अनि बिस्तारमा टेवा दिनुका साथै नेपाली मनहरुलाई जोडने 
प्रयासमा सबैले देखाइदिनु भएको चासो र मायाप्रती आयोजक निर्देशक शोभित बस्नेतले धन्यबाद दिए । कार्यक्रममा सहभागि र सहयोगीहरुलाई कार्यक्रम समाप्तीपछि ढकालले मायाको चिनो प्रदान गरेका थिए । चलचित्र निकै राम्रो र स्तरिय थियो र त्यसमाथि 
रामकृष्णको ढकालको गायकीले झनै तान्यो, ग्रान्ड प्प्यालेसका सन्चालक रन्जित साहले बताए ।