समुदायसँग अन्तरक्रीयामा जुट्यो एनआरएन

एनआरएन अस्ट्रेलियाको न्यु साउथवेल्स राज्य समितीले सिडनीमा समुदायसँग अन्तरक्रियाको आयोजना गर्दै आगामी दिनमा संस्थाको उद्देस्य र चुनौतीहरुका बिषयमा योजना बुन्ने कार्यको थालनी गरेको छ । 
अस्ट्रेलियामा रहेका नेपाली समुदायका अगुवाहरुको उपस्थीतीमा सम्पन्न कार्यक्रममा बिभिन्न संघ संस्थाका प्रतिनिधि तथा पेशागत अगुवाहरुले आआफना धारण ब्यक्त गरेका थिए । 
अस्ट्रेलियामा नेपाली समाज द्रुत गतिमा फैलिदैगर्दा सफलता र उन्नती प्रगतीसँगै केहि विकृती र बिसंगतीपनि देखिन थालेकामा अधिकांश अगुवाहरुले एनआरएनको दृष्टीकोण त्यतातिर पनि जानुपर्ने कुरामा जोड दिएका थिए । संख्यात्मक रुपमा ठ्याक्कै यकिन गर्ने कुनै निकाय नभएपनि लगभग तिन लाखको हाराहारीमा नेपालीहरु अस्ट्रेलियामा बसोबास गर्दै आएको देखिन्छ । जसमा ७५ हजार भन्दा बढि नेपाली विध्यार्थीहरुको संख्या मात्र रहेको छ । 
कार्यक्रममा न्यु साउथवेल्सका बाणिज्यदुत संन्जिव शर्माले संख्यात्मक बृद्धीसंगै देखिने अनकेन समस्याहरुलाई पहिचान गरी एनआरएनले आफ्ना योजनाहरु अगाडि बढाउन सक्नुपर्ने र संस्थाका सदस्य नभएपनि नेपाली विध्यार्थीहरुलाई चेतनामुलक कार्यक्रम ल्याए बाणिज्यदुतावासपनि सहयोग गर्न तत्पर रहेको बताए । 
सीडनीका कानुन व्यबशायी शम्सेरसिंह थापाले एनआरएनले पहिले आफनो मुल उद्देस्यमा रहेर मुलकुसँग जोडने र जोडिने काम गर्नुपर्ने र दोस्रो प्रवासी नेपाली समाजको हक हितमा ध्यान दिनुपर्ने बताउदैं समस्याहरु बढदैगर्दा समाधानहरुपनि खोज्दै जानुपर्ने अहिलेको आवश्यकता रहेको औल्याए । 
अस्ट्रेलियन नेपाली समाजका अगुवा भवानी ओलीले एनआरएन आफनो उद्देस्यमा प्रष्ट हुनुपर्ने र धेरै खाले समाजिक पाटोमा समेत काम गर्नुपर्ने अहिलेको आवश्यकता रहेको सुनाए ।
एनआरएन ओसेनियाका संयोजक दिनेश पोखरेलले समुदाय बढदैजाँंदा एनआरएनका चुनौतीहरु थपीएको बताउदैं नया पुस्तालाई नेपालसँग जोडने अभियान सन्चालन गर्नुपर्ने आवश्यकता देखेको बताए । 
यस्तै नेपाली समाजकी अगुवा तथा एनआरएनकी संस्थापक इन्द्रा वनले सिमित श्रोत र साधनका वाबजुद एनआरएनले सबैक्षेत्रमा सहयोग र सदभाव कायम गर्न सक्नु नेतृत्वको चुनौती रहेको बताइन । एनआरएन अभियन्ता मन केसीले संस्थालाई जिवन्त बनाउन समुदायसँंगको छलफल निकै महत्वपुर्ण रहने र यसवाट आगामी दिनका कार्ययोजना बनाउन मद्दत पुग्ने कुरा बताए । 
एनआरएन अस्ट्रेलयाका अध्यक्ष सन्तोष कुवरले संस्था फराकिलो बन्दैगर्दा यसका उद्देस्य र कार्ययोजनामा पनि नया दृष्टीकोण थप्न समाजको सल्लाह र सुझाब महत्वपुर्ण हुने बताउदै अस्ट्रेलियाका सबै राज्यहरुमा समेत यस्ता कार्यक्रमहरु बर्षै पीच्छे आयोजना गर्नुपर्ने बताए । समस्या जहाँ हुन्छन, समाधानको उपाय पनि त्यही हुन्छ र त्यसैले पनि समाजको उपस्थिती हाम्रा लागि महत्वपुर्ण रहदै आएको छ। कुवरले सुनाए । 

कार्यक्रमको सभापतीत्व गर्दै एनआरएन न्युसाउथवेल्सकी संयोजक उषा बारिया पोखरेलले समुदायको हितमा काम गर्ने एनआरएनजस्ता 
संस्थाहरुले सामाजिक अभियन्ता र संघ संस्थाका प्रतिनिधिसँग सुझाब र सल्लाह लिन सके यसले सफल योजना बनाउन मद्दत पुग्ने हुनाले समुदायसँग अन्तरक्रिया कार्यक्रम आयोजना गरिएको बताइन । एनएसडब्लु राज्य समितीका सचिब प्रताप पन्थीले संनचालन गरेको कार्यक्रममा समाजीक अभियन्ता रन्जु वाग्ले, ओलंघन नेपाली समाजका अध्यक्ष नारायण चापागाई, झापाली समाजका अध्यक्ष अशोक उप्रती, तमु समाजका अध्यक्ष हेउपती गुरुड अस्ट्रेलियाका प्रतिनिधि लगायतले समुदायका समस्या र समाधानमा लाग्नुपर्ने बिषयमा चर्चा गरेका थिए । 
अधिकांश बक्ताहरुले बिध्यार्थीहरुमा देखिएको लागु पर्दाथ,जुवा लगायतका समस्यासँगै डिप्रेशन अनि झैझगडा नीराकरणका बिषयमा समेत एनआरएनले अब योजना बुन्नुपर्ने सुझाब दिएका थिए ।