एडिलेड नेपाली समाज अष्ट्रेलियाको तेह्रौँ वार्षिक साधारण सभा सम्पन्न

एडिलेड । एडिलेड नेपाली समाज अष्ट्रेलियाको तेह्रौँ वार्षिक साधारण सभा नोभेम्बेर २ तारिक आइतबारका दिन साउथ अष्ट्रेलियाको एडिलेडस्थित मिचेल पार्कमा भव्य रूपमा सम्पन्न भएको छ।

समाजका अध्यक्ष श्याम दाहालको सभापतित्वमा सम्पन्न कार्यक्रममा साउथ अष्ट्रेलियाली बहुसांस्कृतिक आयोगकी सदस्य मञ्जु खड्का प्रमुख अतिथिको रुपमा उपस्थिति   रहेकी थिइन्  ।

सभामा समाजका वार्षिक गतिविधि, विद्यालयको प्रगति तथा आर्थिक प्रतिवेदन प्रस्तुत गरी छलफलपछि सर्वसम्मत रूपमा पारित गरिएको थियो। अध्यक्ष दाहालले संस्थाको वार्षिक प्रतिवेदन, उपाध्यक्ष तथा एडिलेड नेपाली विद्यालयकी प्रिन्सिपल एलिजा ढकालले विद्यालयको प्रगतिबारे प्रतिवेदन, र कोषाध्यक्ष आनन्द खरेलले आर्थिक विवरण प्रस्तुत गरे ।

प्रमुख अतिथि मञ्जु खड्काले समाजले स्थापना कालदेखि नै साउथ अष्ट्रेलियामा रहेका नेपाली समुदायको हित र एकताको लागि महत्वपूर्ण योगदान दिंदै आएको उल्लेख गर्दै  समाजको प्रशंसा गरिन ।
कार्यक्रममा एनआरएनए साउथ अष्ट्रेलियाका उपाध्यक्ष गणेश पराजुली र फेन्का साउथ अष्ट्रेलियाका संयोजक पुष्कर कोईरालाले पनि शुभकामना मन्तव्य व्यक्त गरे ।  

कार्यक्रमको सुरुवात समाजका उप–सचिव जिवन भट्टराईको स्वागत मन्तव्यबाट गरिएको सो कार्यक्रमको  अन्त्यमा उपाध्यक्ष बालगोपाल उपाध्यायले धन्यवाद ज्ञापन गर्दै कार्यक्रमल्लाई औपचारिक रुपमा समापन  गरे ।
साधारण सभाको सञ्चालन समाजका सचिव सागर श्रेष्ठले गरेका  थिए ।  

सभापछि साँझ मिचेल पार्कमै समाजका स्वयंसेवक र सहयोगीहरूलाई सम्मान स्वरूप बार्बेक्यु कार्यक्रम पनि आयोजना गरिएको थियो। कार्यक्रममा सहभागीहरूले आपसी मेलमिलाप र समाजिक एकताको भावना व्यक्त गरेका थिए।