नेपाल र वेस्ट इन्डिजबीच मैत्रीपूर्ण क्रिकेट श्रृंखला : नेपमेलोमा प्रत्यक्ष प्रशारण

सिड्नी ।  विश्व क्रिकेटका चर्चित टोलीमध्ये एक वेस्ट इन्डिज र उदाउँदो शक्ति नेपालबीच हुने विशेष क्रिकेट श्रृंखला “Unity NEP-WI Cup” को तयारी पूरा भएको छ।

यस श्रृंखलामा तीन वटा रोमाञ्चक खेलहरू आयोजना हुनेछन्।
जसमा पहिलो खेल  सेप्टेम्बर २७ (शनिबार) दोस्रो खेल सेप्टेम्बर २९ (सोमबार) र तेस्रो खेल  सेप्टेम्बर ३० (मंगलबार) हुनेछ। 

यी सबै खेलहरूलाई Nepmelo युट्युब च्यानलमार्फत प्रत्यक्ष प्रशारण गरिनेछ। साथै, विशेष गरी अष्ट्रेलिया र न्यूजिल्याण्डमा बसोबास गर्ने दर्शकहरूले प्रत्यक्ष रूपमा हेर्न सक्ने व्यवस्था मिलाइएको छ।

नेपाल क्रिकेटको लोकप्रियता पछिल्ला वर्षहरूमा तीव्र गतिमा बढिरहेको छ। वेस्ट इन्डिजजस्तो विश्व च्याम्पियन टोलीसँगको भिडन्त नेपाली खेलाडीहरूको लागि ठूलो अवसर र अनुभव बन्नेछ। यसले नेपाल क्रिकेटलाई अन्तर्राष्ट्रिय स्तरमा थप प्रतिष्ठा दिलाउने अपेक्षा गरिएको छ।

Nepmelo ले क्रिकेटप्रेमीहरूमाझ यो श्रृंखलालाई “सुनौलो अवसर” को रूपमा लिएको छ। दर्शकहरूले आफ्ना प्रिय खेलाडीहरूलाई नजिकैबाट हेर्न र उत्कृष्ट क्षणहरू प्रत्यक्ष अनुभव गर्न सक्नेछन्। 
Nepmelo का संस्थापक एवं गायक समिर आचार्यले भने 
- नेपाल र वेस्ट इन्डिजबीचको यो श्रृंखला केवल खेल मात्र होइन, दुई संस्कृतिबीचको मित्रता र एकताको प्रतीक पनि हो। हामी Nepmelo मार्फत संसारभर रहेका नेपाली र क्रिकेटप्रेमीहरूसम्म प्रत्यक्ष खेल पुर्‍याउन पाउँदा गर्व अनुभव गरेका छौं।

प्रत्यक्ष प्रसारणका लागि आधिकारिक वेबसाइट www.nepmelo.com हेर्न सकिनेछ।