सिड्नीमा खुल्यो सेन्ट मार्टिन कलेज नेपाली काङग्रेश  नेतृ सिर्जना सिंहद्वारा उद्घाटन 

सिड्नी। सिड्नीको पारामाटा  क्षेत्रमा अवस्थित  सेन्ट  मार्टिन कलेज (St Martin College) को हिजो  शुक्रबार भव्य उद्घाटन समारोह सम्पन्न भएको छ। कलेजको आरटीओ (RTO) र सीआरआईसीओएस (CRICOS) कार्यक्रम शुभारम्भसहित सम्पन्न कार्यक्रममा अस्ट्रेलियामा रहेका नेपाली समुदायका अगुवाहरूको उल्लेखनीय उपस्थिति रहेको थियो।

उद्घाटन समारोहमा प्रमुख अतिथि मंगला देवी सिंह फाउण्डेशनकी अध्यक्ष एबम नेपाली काङग्रेश  नेतृ सिर्जना  सिंहले कलेजले अन्तर्राष्ट्रिय विद्यार्थीहरूको भविष्य उज्ज्वल बनाउन महत्वपूर्ण योगदान दिने विश्वास व्यक्त गरिन्। उनले भनिन्- सेन्ट मार्टिन कलेजले उच्च गुणस्तरीय शिक्षा र तालिममार्फत नेपाली मात्र नभई विश्वभरिका विद्यार्थीहरूलाई अवसर प्रदान गर्ने विश्वाश ब्यक्त गर्दै  अस्ट्रेलियामा नेपाली समुदायको सक्रियता र योगदानले सबैलाई गर्व महसुस गरेको बताइन्  ।  

समारोहमा रोशन घले (सीईओ) ले सबैलाई स्वागत गर्दै कलेजको उद्देश्यबारे जानकारी गराएका थिए। उनले भने- “हाम्रो लक्ष्य विद्यार्थीहरूलाई व्यावहारिक तालिम र विश्वस्तरीय शिक्षा प्रदान गर्दै उनीहरूको करियरलाई नयाँ उचाइमा पुर्‍याउनु हो।
त्यसैगरी निर्देशक नन्द गुरुङ, राम गुरुङ र विष्णु गुरुङले पनि उपस्थित अतिथि, नेपाली समुदाय नेताहरू र सञ्चार माध्यमलाई धन्यवाद दिएका थिए।

समारोहमा सिड्नीका विभिन्न नेपाली सामुदायिक संस्थाका अगुवा, व्यवसायी, सञ्चारकर्मी र समाजसेवीहरूको उल्लेखनीय सहभागिता रहेको थियो ।  सहभागीहरूले कलेजको सफलताको शुभकामना व्यक्त गर्दै यसले नेपाली समुदायलाई गर्व गर्ने अवसर दिलाउने धारणा राखेका थिए।