अष्ट्रेलियामा ‘मायालु ग्रुप अफ कम्पनिज’का ६ नयाँ उत्पादन सार्वजनिक
सिड्नी । अष्ट्रेलियामा व्यवसाय विस्तार गर्दै मायालु ग्रुप अफ कम्पनिजले ६ नयाँ उत्पादन बजारमा ल्याएको छ। कम्पनीका संस्थापक बिष्णु सापकोटा र बिषम गौतमले सिड्नीमा आयोजित विशेष समारोहमार्फत नयाँ उत्पादन लन्च गरेका हुन्।
समारोहमा गायक प्रमोद खरेललाई निमन्त्रणा दिइएको थियो। उनले उत्पादन लन्च कार्यक्रमको रिबन काटेर नयाँ उत्पादन सार्वजनिक गरेका थिए। कम्पनीका अनुसार अष्ट्रेलियन सरकारको मापदण्ड पूरा गरेर उत्पादन बजारमा ल्याइएको हो।
सार्वजनिक गरिएका उत्पादनमा राइस कुकर, स्मार्ट राइस कुकर, प्रेसर कुकर, एयर फ्रायर, वाटर किटल र कफी एण्ड स्पाइस ग्रिन्डर रहेका छन्। अहिले यी उत्पादनहरू सिड्नीका दुई स्टोर र क्यानबेरास्थित एक स्टोरमार्फत उपलब्ध छन्। साथै, अनलाइन अर्डरमार्फत अष्ट्रेलियाभर डेलिभरी सेवा दिइने कम्पनीले जनाएको छ।
सामाजिक उत्तरदायित्व अन्तर्गत, ‘प्रमोद खरेल एण्ड द परम्परा’ को कार्यक्रममा भएको बिक्री रकममध्ये १० प्रतिशत च्यारिटीमा सहयोग गरिएको सापकोटाले बताए। उक्त रकम नेपालमा अटिजम प्रभावित बालबालिकाको सहयोगार्थ प्रदान गरिएको हो।
कम्पनीले निकट भविष्यमा नेपालमै पनि आफ्ना उत्पादनहरूको आउटलेट सञ्चालन गर्ने योजना बनाइरहेको जानकारी दिएको छ। सन् २०१४ मा स्थापना भएको मायालु ग्रुप अफ कम्पनिजले डेढ वर्षयता आफ्ना उत्पादनहरू बजारमा ल्याउँदै आएको छ।
सिड्नीमा आध्यात्मिक महोत्सव २०२५ सुरु, पहिलो दिन भव्य कलश यात्रामा अपार सहभागिता
शुक्रबार, भदौ १३, २०८२
सिड्नीमा आज हुँदैछ भव्य तीज महोत्सव २०२५, राति ८ बजे आतिसबाजी
मंगलबार, भदौ १०, २०८२
सीड्नीको अवर्नमा तिज धमाका भब्य रुपमा सम्पन्न
सोमबार, भदौ ९, २०८२