तामाङ समाज न्यू साउथ वेल्सले   बारबिक्यु  कार्यक्रमको आयोजना गर्दै 

सिड्नी ।  तामाङ समाज न्यू साउथ वेल्सले समुदायको आपसी सम्बन्ध सुदृढ गर्न र सामूहिक सद्भाव बढाउनका लागि विशेष बारबिक्यु  कार्यक्रमको आयोजना गर्ने भएको छ। उक्त कार्यक्रम यही आउँदो १२ जुलाई २०२५, शनिबारका दिन Auburn Park,  मा हुनेछ।

कार्यक्रम मध्यान्ह १२:०० बजेबाट सुरु भई अपराह्न ४:०० बजेसम्म सञ्चालन हुनेछ। समाजले यस अवसरमा सम्पूर्ण तामाङ समुदाय, नेपाली समुदायका सदस्यहरू तथा शुभेच्छुकहरूलाई परिवार र साथीसहित उपस्थित भइ कार्यक्रममा सहभागी हुन हार्दिक निमन्त्रणा गरेको छ।

कार्यक्रमका प्रमुख आकर्षणहरूमा स्वादिलो नेपाली परिकार, तामाङ्  नाच  गीत संगीत   बिभिन्न रमाइला खेलकुद 
लगायत बिबिध कार्यक्रमहरु समाबेश गरिएको छ । 

तामाङ समाज न्यू साउथ वेल्सका अध्यक्ष राज पाख्रिनले सबैलाई कार्यक्रममा सामेल भइ आपसी सहयोग र सद्भावलाई अझ बलियो बनाउन आग्रह गरेका  छन्। भखरै  तामाङ्   समाज न्यू साउथ वेल्सले  पाख्रिनको अध्यक्षतामा नयाँ  कार्यसमिती  चयन गरेको थियो ।