तामाङ समाज न्यू साउथ वेल्सको आठौं साधारण सभा आगामी जुन २२ मा सिड्नीमा  हुने

सिड्नी ।  अष्ट्रेलियामा छरिएर  रहेका   तामाङ समुदायको सामाजिक, सांस्कृतिक र संस्थागत विकासमा अग्रसर संस्था तामाङ समाज अफ न्यू साउथ वेल्स (Tamang Society of NSW) ले आफ्नो आठौं साधारण सभा यही २२ जुन आइतबारका दिन आयोजना गर्ने भएको   छ ।  

उक्त कार्यक्रम किंग्सग्रोभ–बेक्सली नर्थ कम्युनिटी सेन्टर (५४ Shaw Street, Bexley North, NSW 2207) मा अपराह्न ३ बजेदेखि सुरु हुने सोसाइटीले जनाएको छ ।  

साधारण सभाले नयाँ कार्यसमिति चयन गर्नुका साथै  आगामी वर्षका लागि रणनीतिक योजना बनाउने छ ।  तामाङ समाज अफ NSW ले सम्पूर्ण सदस्यहरू, तामाङ समुदायका दाजुभाइ-दिदीबहिनीहरू, परिवारजन, तथा शुभेच्छुकहरूलाई उक्त कार्यक्रममा सपरिवार उपस्थित भई सहभागिता जनाउन सादर आमन्त्रण गरेको छ।

तामाङ समाज अफ न्यू साउथ वेल्स संन्  २००९ देखि अष्ट्रेलियास्थित नेपाली तथा  तामाङ समुदायको हितमा विविध सामाजिक, सांस्कृतिक तथा परोपकारी कार्यक्रम गर्दैआएको  छ।