एन्जाले सिड्नीमा पत्रकार र समुदायबीच अन्तर्क्रिया कार्यक्रम गर्दै

सिड्नी । अस्ट्रेलियामा रहेका क्रियाशिल नेपाली पत्रकारहरुको  सस्था  एन्जाले अस्ट्रेलियामा रहेका सामाजिक अगुवा तथा नेपाली प्रतिनिधि र विभिन्न संघसंस्था बीच अन्तर्क्रिया कार्यक्रम गर्ने भएका छ । अष्ट्रेलियन नेप्लीज जर्नलिष्ट एसोसिएसन (एन्जा) को आयोजनामा २७ जुन तारिक शुक्रबार सिड्नीको रक्डेल स्थित ईन्द्रेणी फंक्सन सेन्टरमा ’मिडिया र समुदाय’ विषयक अन्तरक्रिया कार्यक्रम हुने भएको हो । कार्यक्रमले अस्ट्रेलियामा रहेका विभिन्न सांस्कृतिक र व्यावसायिक पृष्ठभूमीका व्यक्तित्वहरु र समुदायहरूलाई जोड्दै त्यसमा सञ्चार माध्यम र समुदाय दुबैको भुमिका र अपेक्षाका विषयमा एक आपसमा साझेदारी गर्ने अवसर प्रदान गर्ने एन्जा अध्यक्ष  कृष्ण  तिवारीले जानकारी दिए । एन्जाले  बिगतमा पनि अष्ट्रेलियाको  बिभिन्न राज्यमा नेपाली जनसमुदाय सँग  अन्तर्क्रिया कार्यक्रम  गर्दै  आएको छ।  ।  यसैलाई  निरन्तरता दिदै  एन्जाको नयाँ   निर्वाचित कार्यसमितको पहिलो सामुदायिक अन्तरक्रिया रहेको  उनले बताए ।

अन्तरक्रियामा एन्जाले अस्ट्रेलियामा रहेर नेपाली समुदाय, यहाँको अवस्था र विभिन्न क्षेत्रमा गरिरहेका कार्यहरु जानकारी गराउने बताईएको छ । पत्रकारहरु र समुदायका अगुवाहरुबीचको अपेक्षा, नेपाली समुदायको प्रवद्र्धनका लागि हुन सक्ने कार्यहरु लगायतका विषयमा छलफल हुने बताईएको छ।  कार्यक्रममा अस्ट्रेलियाका लागि नेपाली राजदूत चित्रलेखा यादव, वाणिज्यदूत सन्जीव शर्मा लगायत        बिभिन्न संघ  सस्थाका  प्रतिनिधिहरु  समुदायका अगुवाहरुबीच अन्तरक्रिया गर्ने कार्यक्रम रहेको छ । कार्यक्रममा हालसम्म भए गरेका कार्यहरुको जानकारी गराउने र पत्रकार तथा समुदायको अगुवाबीचहरुको व्यापक छलफल गरि अगाडी बढ्ने बताईएको छ ।

कार्यक्रम सम्पन्न गर्न एन्जाका अध्यक्ष तिवारीको संयोजकत्वमा कार्य समितिमा रहेका सिड्नीका  पदाधिकारीहरु   उपाध्यक्ष माधव गैरे, महासविच गणेश भट्ट, सचिव तक्दीर अधिकारी, पब्लिक अफिसर कोम खत्री भूतपूर्व उपाध्यक्ष प्रकाश हुमागाईँ, सदस्यहरु  विनायक अधिकारी, गोपाल छन्त्याल, केदार रायमाझीको आयोजक समिति समेत बनाईएको छ । उक्त समितिले विभिन्न चरणमा एन्जा मार्फत हुने कार्यक्रम सम्पन्न गर्न सहजीकरण गर्नेछ ।