एनआरएनए अस्ट्रेलियाको निर्वाचन मिति घोषणा जुलाई २६ मा तय

सिड्नी । गैरआवासीय नेपाली संघ (एनआरएनए ) अस्ट्रेलियाले निर्वाचनको मिति घोषणा गरेको छ । सिड्नीको मेरील्यान्ड स्थित   एनआरएनए  अस्ट्रेलियाको कार्यालयमा आयोजित पत्रकार सम्मेलनमा अध्यक्ष अनिल पोखरेलले आगामी जुलाई २६ शनिबारका  दिन निर्वाचन गरिने जानकारी दिए ।
उनका अनुसार, यसपटक आईसीसी सदस्य डिल्ली राम ढकाललाई प्रमुख निर्वाचन आयुक्त तोकिएको छ । तेस्तै   उपसंयोजक एडिलेडका राजु उपाध्याय तोकिएका छन् ।
अन्य राज्यमा न्युसाउथवेल्सको संयोजकमा राजु मानन्धर, भिक्टोरियामा हेम दुलाल, क्विन्सल्यान्डमा सुरेश खत्री, साउथ अस्ट्रेलियामा अंकुर उपाध्याय, वेस्टर्न अस्ट्रेलियामा रविन बर्तौला, तास्मानियामा कन्चन अर्याल र एसिटीबाट कृष्ण सुवेदी र नर्दन टेरेटोरीबाट दिनेश सापकोटा तोकिएको छ ।
निर्वाचन आयोग र एनआरएनको छलफलपछि समिति सदस्यको टुंगो लाग्ने अध्यक्ष पोखरेलले बताए ।

यसपटक एनआरएन अस्ट्रेलियाको नयाँ विधानबमोजिम अध्यक्ष, एक उपाध्यक्ष, महासचिव र कोषाध्यक्षका लागि निर्वाचन हुनेछ । राज्य संयोजक अब उपाध्यक्ष नहुने भएका छन् । उनीहरू राज्य संयोजक रहे पनि पदीयरूपमा कोषाध्यक्ष मुनिका पदाधिकारी रहनेछन् ।
नयाँ विधानबमोजिम एनआरएनए अस्ट्रेलियाका बोर्ड सदस्य १९ जना हुनेछन् । यसअघि, १७ सदस्यीय बोर्ड रहने गरेकामा एक उपाध्यक्ष र प्रिन्सिपल ग्रान्ट अफिसर थप गरिएको छ । 

एनआरएन अस्ट्रेलियाले सदस्यता शुल्क २५ डलरबाट बढाएर ३० डलर बनाएको छ । आजीवन सदस्यता शुल्क २५० डलर तोकिएको छ ।
निर्वाचनमा यसअघिकै व्यवस्था अनुसार   एउटा कार्डबाट अधिकतम चार जनाबाहेक सदस्य बन्न नमिल्ने व्यवस्था यथावत् राखिएको छ । सदस्यता बन्ने क्रम जारी रहेको र यसको अन्तिम म्याद जुन ६ सम्म छ । पत्रकार  सम्मेलनमा अध्यक्ष पोखरेलले हरेक दुई दुई दिनमा कति   सदस्य  बने भन्ने जानकारी दिदै जाने बताए ।  
 लाईफ मेम्बरले किन सदस्यता नविकरण गर्नु पर्छ भन्ने पत्रकारको प्रश्नमा अध्यक्ष अनिल पोख्रेलले तथा   आइ सि सि सचिव ज्ञानेन्द्र   रेग्मीले   लाईफ मेम्बरहरुलाई २ -२ बर्षमा रिभ्यु गर्ने बाध्यता नराख्ने  हो भने आफु बसेको देश छाडेर अर्को देशमा जानेले २-३ वटा रास्ट्रको सदस्य बन्ने सम्भावना हुने हुँदा त्यसलाई कन्ट्रोल गर्न पनि रिभ्यु गर्नु जरुरी रहेको  बताए  ।  

यसपटक आईसीसीस्तरमा देखिएको विवादले सदस्यतामा पर्ने प्रभावबारे अध्यक्ष पोखरेलले खासै फरक नपर्ने बताउदै    पहिलेकै संख्यामा सदस्यता कायम हुने अपेक्षा राखेको बताए। २०२३- २०२५  को कार्यकालमा १५ हजार  ४ सय  १६ सदस्यहरु  बनेका  थिए ।