पहिलो बिश्व युद्द अघिको खुकुरी न्यू साउथ वेल्सको बाणिज्य दूताबासलाई हस्तान्तरण

सिड्नी   ।  प्रथम विश्वयुद्धअघि पपुवा न्यूगिनी भ्रमणको क्रममा गोर्खाद्वारा अष्ट्रेलियाली लेफ्टिनेन्ट रेजिनाल्ड थोमस गिलिगनलाई प्रदान गरिएको नेपाली खुकुरी नेपाल कन्सुन्लेट न्यू साउथ वेल्सलाई हस्तान्तरण गरिएको छ।

एक सय   बर्ष भन्दा पुरानो  यो खुकुरी पुस्तौंपुस्ता हुँदै अहिले उनको नातिनी ट्रिश ह्यागगर्टीले सम्झना र सम्मानको प्रतीक स्वरूप न्यू साउथ वेल्स वाणिज्यदूतलाई हस्तान्तरण गरिएको हो ।  

खुकुरी प्राप्त गरेपछी  न्यू साउथ वेल्सका लागि नेपाली बाणिज्य दूत सन्जिब कुमार शर्माले विगतको एक स्मरणीय उपहार हात पर्दा आफूहरु निकै गौरवान्वित भएको बताए   ।  बाणिज्य दूतको कार्यालयमा एक कार्यक्रममा ऐतिहासिक खुकुरी उपलब्ध गराई दिनु भएकोमा  हार्दिक धन्यबाद दिए ।  शर्माले अगाडि भने -अगाट्रिश र पीटर ह्यागगर्टीले हामी नेपाली माथि ठुलो गुन लगाएको बताउदै यसले  अष्ट्रेलिया र नेपालको ऐतिहासिक सम्बन्ध जोगाएर राख्न मद्घत पुग्ने बताए ।  

लेफ्टिनेन्ट रेजिनाल्ड थोमस गिलिगन (Reginald Thomas Gilligan) अष्ट्रेलियाली सेनाका एक अधिकारी थिए, जसले प्रथम विश्वयुद्धमा सेवा गरे। उनी सन् १८९० मा न्यू साउथ वेल्सको युगोव्रामा जन्मिएका उनी  १८ डिसेम्बर १९१५ मा अष्ट्रेलियन इम्पेरियल फोर्स (AIF) मा भर्ती भएका थिए। त्यतिबेला  गिलिगनलाई ५४औं अष्ट्रेलियन इन्फेन्ट्री बटालियनमा नियुक्त गरिएको थियो। उनले २३ जुन १९१६ मा HMAT Barambah नामक सैनिक जहाजमा सिड्नीबाट युरोपतर्फ प्रस्थान गरेका  थिए  ।  उनले  २ जनवरी १९१९ सम्म सेवा गरे ।  

बाणिज्य दूत शर्माले ऐतिहासिक धरोहरको  यो  चिनोलाई उपयुक्त सम्मानसहित स्थायी रूपमा राख्ने व्यवस्था मिलाउँने जानकारी दिए ।  उनले  यो  खुकुरी नेपाल सरकारले चाहना गरेमा सम्भवतः नेपालकै राष्ट्रिय संग्रहालयमा पनि राखिन सकिने बताए ।