अष्ट्रेलियाको चुनावमा लेबर पार्टीको जीत प्रधानमन्त्री एन्थोनी अल्बानिज दोश्रोपटक प्रधानमन्त्री चुनिने निश्चित

अस्ट्रेलियाका प्रधानमन्त्री एन्थोनी अल्बानिज दोश्रोपटक प्रधानमन्त्री चुनिने निश्चित भएका     छन् ।  मे  ३ तारिक शनिबार    सम्पन्न निर्वाचनमा लेवर पार्टीका नेता तथा प्रधानमन्त्रीले बहुमतका साथ दोश्रोपटक चुनाव जीत निश्चित भएको  यहाँका संचार माध्यमहरुले जनाएका छन्  । आईतवार  बिहानसम्म लेबर  पार्टीले ८५ सिट पक्का  पक्की  गरिसकेको छ ।  
यता विपक्षी लिवरल पार्टीका नेता पिटर डटनले नराम्रो पराजय भोगेका छन् ।  उनले आफ्‌नो निर्वाचन क्षेत्रको सिट समेत गुमाएका छन् । क्वीन्सल्याण्ड राज्यको डिक्सन क्षेत्रमा उम्मेदवारका रूपमा उठेका पिटर डटनले विपक्षी लेवर पार्टीकी उम्मेदवार अली फ्रान्ससँग हारेका हुन ।  डटनले हार स्वीकार गर्दै उनले प्रधानमन्त्री एन्थोनी अल्बानिजीलाई बधाई दिएका छन्  ।  उनले आफ्‌नो निर्वाचन क्षेत्रमा विजयी उम्मेदवार अली फ्रान्सलाई समेत बधाई दिएका छन् ।

आफ्नो पार्टीले  पूर्ण बहुमत ल्याएपछी प्रधानमन्त्री एन्थोनी अल्बानिजीले सम्पूर्ण मतदातालाई धन्यवाद दिदै आज अस्ट्रेलियन जनताले अस्ट्रेलियन मूल्यका लागि मत दिएको  बताएका  छन्   ।  उनले  सबै अस्ट्रेलियनलाईहरूलाई समान अवसर दिने समेत उल्लेख गरे ।  प्रधानमन्त्री एन्थोनी अल्बानिजीलाई देश बिदेशका नेताहरुबाट शुभकामना           सन्देश आउने क्रम जारी  छ ।