सार्वजनिक विद्यालयका प्रश्नपत्रमा अष्ट्रेलिया निवासी लेखक शिव न्यौपानेको जीवनी समावेश 

सिड्नी ।  – नेपालका सार्वजनिक विद्यालयहरूले लेखक शिव न्यौपानेको जीवनी कथालाई आफ्नो परीक्षा प्रश्नपत्रमा समावेश गरेका   छन। न्यौपानेले नेपालको पहिलो खाद्य शब्दकोश ‘फलाङ खाद्य शब्दकोश ‘ प्रस्तुत गरेर नेपालको सांस्कृतिक धरोहरलाई विश्वभर चिनाउने प्रयास गरेका  थिए ।  
 

यस सम्मानलाई शिव न्यौपानेले आफ्नो फलाङ खाद्य शब्दकोशको लागि महत्वपूर्ण  रहेको बताउदै  यो उपलब्धि आफ्नो जीवनको सबैभन्दा ठूलो सम्मानको रुपमा  लिएको बताए ।  उनले अगाडि   भने, "मलाई गर्व छ कि मेरो जीवनी र कार्यलाई विद्यालयहरूले उच्च  कदर गरेको छ। यसले मेरो कामलाई अझ थपी प्रेरणा दिनेछ र भविष्यमा खाद्य शब्दकोशको कामलाई अझ प्रभावकारी बनाउन मद्दत गर्नेछ।"

उनका अनुसार, फलाङ खाद्य शब्दकोश नेपालको खानपान संस्कृतिलाई प्रवर्द्धन गर्ने र संसारभरिका पाठकहरूलाई नेपाली खाद्य परम्परा र विशेषता बारेमा बुझ्नमा सहायता पुर्याउने एक महत्त्वपूर्ण प्रयास हो। त्यसैगरी, अष्ट्रेलियाका पूर्व प्रधानमन्त्री स्कट मोरिसनले पनि शिव न्यौपानेको बहुसांस्कृतिक खाद्य शब्दकोशलाई सकारात्मक प्रतिक्रिया दिएका थिए ।  उनले २०२१ मा आफ्नो कार्यकालमा यो शब्दकोशको सराहना गर्दै नेपालको खाद्य संस्कृति र परम्पराको संरक्षण र प्रवर्द्धनमा यसको योगदानलाई महत्त्वपूर्ण भूमिका खेल्ने बताएका  थिए ।  

गल्याङ नगरपालिका, स्याङ्जामा जन्मिएका शिव न्यौपानेले 
यो योगदान नेपालका विद्यालयहरूमा अध्ययन गरिरहेका विद्यार्थीहरूको लागि प्रेरणाको स्रोत बन्ने विश्वास व्यक्त गरेका  छन् ।   फलाङ खाद्य शब्दकोश आजको युवा पुस्तालाई नेपाली खाद्य संस्कृतिका महत्त्वपूर्ण पक्षहरू बुझ्न र सराहना गर्न प्रोत्साहित गर्दै, नेपालको सांस्कृतिक धरोहरको संरक्षणमा थप योगदान पुर्याऊने विश्वाश  लिएका छन्  ।