सिड्नीमा नयाले शुभकामना आदान प्रदान कार्यक्रम गर्यो 

कोम खत्री 

सिड्नी । नेपाली हरुको महान् पर्व बडा दशैँ र तिहारको अवसरमा नेपाल अष्ट्रेलियन युथ एसोसिएसन(नया)ले सिड्नीको एस्फ़िल्ड पार्कमा शुभकामना आदान प्रदान सहित बार्बिक्यु कार्यक्रमको आयोजना गर्यो । सेप्टेम्बर २९ तारिख आइतवार सम्पन्न सो कार्यक्रममा सिड्नीमा रहेका विभिन्न संघ सस्थाका प्रतिनिधिहरु ,नेपाली समुदायका अगुवा तथा युवाहरुको उपस्थिति  रहेको थियो । 

 कार्यक्रममा सहभागीहरुले एकआपसका नेपाली महान चाड दशैं तिहार र छठको समेत शुभकामना आदान प्रदान गरेका थिए । दशैको पुर्वसंन्ध्यामा आयोजित कार्यक्रममा न्यु साउथ वेल्स राज्यका बाणिज्यदुत सन्जिव शर्माले मुलकको कला सस्कृति जोगाउने सन्दर्भमा नयाँ  पुस्ता र पुराना पुस्ता बिचको सामिप्यता र आत्मियतालाई  अझ बलियो बनाउन यस्ता कार्यक्रमले सहयोग पुर्याउने बिस्वास व्यक्त गरे । उनले अध्यनको क्रममा मुलुक बाहिर रहेका विध्यार्थी भाइबैनीलाई चाडपर्वमा खल्लो नहोस भन्ने हेतुले पनि यस्ता कार्यक्रम आफैमा महत्वपूर्ण रहेको बताए ।

कार्यक्रममा एनआरएन आइसीसीका सचिब ज्ञानेन्द्र रेग्मी, क्षेत्रिय संयोजक दिनेश पोखरेल, उप संयोजक अरुण ठाकुर ,कोमल पाठक एनआरएन अष्ट्रेलियाका अध्यक्ष अनिल पोखरेल , एनआरएन अभियन्ता मन केसी , एनआरएन न्यसाउथवेल्सका संयोजक बिनोद कुवंर लगायतले दशै तिहार र छठको शुभकामना ब्यक्त गरेका थिए । आयोजक सस्था नयाका अध्यक्ष बिपिन थापाले नया र पुरानो पुस्ता बिचको अन्तरलाई कम गर्दै यस्ता कार्यक्रम मार्फत्  नेपाली कला संस्कृति जोगाउने अभियानमा सस्था क्रियाशिल रहदै आएको उल्लेख गरे ।