डब्बोमा धार्मिक यात्रा गरिने 

सिड्नी । डब्बो नेपाली समाज अष्ट्रेलियाले "हाम्रो संस्कृति, धर्म र समुदायको एकताको लागि — हाम्रो तिर्थ यात्रा।”भन्ने स्लोगनका साथ  यहि नोभेम्बर २२ तारिख शनिबार ल्याण्ड्रस्ट स्थित धार्मिक स्थलको  धार्मिक तिर्थ यात्रा कार्यक्रम गराउने भएको छ । नेपाली आध्यात्मिक तिर्थ स्थल पशुपति बौद्ध तपोधाम  र विश्व शान्ति आश्रमको तिर्थ यात्रुहरुलाई योग साधना, स्वस्तिक भोजन, मन्दिर दर्शन तथा तपोधाम क्षेत्रको अवलोकन गराईने आयोजक संस्थाले जनाएको छ । पशुपतिनाथ मन्दिरको दर्शन, बौद्ध ध्यान, योग साधना , गौ सेवा र आध्यात्मिक चेतनाको संगम  रहेको यस आश्रममा, विभिन्न राज्य र शहरहरूबाट अध्ययन, साधना तथा प्राकृतिक उपचारका लागि आउने नेपालीहरुको संख्या बढ्दै गएको छ ।
आयोजकका अनुसार, यस तिर्थ यात्रामा सहभागीहरूले योग, ध्यान, आयुर्वेदिक मार्गदर्शन, उपचार अभ्यास, भजन–कीर्तनमा सहभागिहुने छन् भने गुरु आचार्य राजन शर्माले आध्यात्मिक प्रवचन दिनेछन् । 
तिर्थ यात्रुहरुको सुबिधाको लागि बिहान ७:४५ बजे डब्बोको डार्लिंग स्ट्रिटस्थित बजेट कार रेंटल एजेन्सीबाट प्रस्थान गर्ने गरि यातायातको ब्यबस्था गरिएको छ । यो पबित्र धार्मिक यात्रामा सहभागी हुन चाहनेहरुले आ आफ्नो सिट सुरक्षित गर्नको लागि  गर्नेछ। यात्रामा सिटहरू पहिले आउनेलाई पहिलो सेवा आधारमा उपलब्ध हुनेछन्। सिट बुकिङका लागि : ०४२६७७१८७१ / ०४१२०४३९३३ र ०४५०७३७५५१ मा सम्पर्क गर्न सकिनेछ ।